వాహన అమ్మకాల్లో క్షీణత

టాప్‌గేర్‌లో దూసుకుపోతున్న వాహన విక్రయాలకు ద్విచక్ర వాహనాలు గండికొట్టాయి. గత నెలలో మొత్తంగా దేశవ్యాప్తంగా 21,17,596 యూనిట్లు అమ్ముడయ్యాయని ఫెడరేషన్‌ ఆటోమొబైల్‌ డీలర్ల అసోసియేషన్‌(ఫడా) వెల్లడించింది.

• అక్టోబర్‌ నెలలో 8 శాతం డౌన్‌: ఫడా

న్యూఢిల్లీ, నవంబర్‌ 6: టాప్‌గేర్‌లో దూసుకుపోతున్న వాహన విక్రయాలకు ద్విచక్ర వాహనాలు గండికొట్టాయి. గత నెలలో మొత్తంగా దేశవ్యాప్తంగా 21,17,596 యూనిట్లు అమ్ముడయ్యాయని ఫెడరేషన్‌ ఆటోమొబైల్‌ డీలర్ల అసోసియేషన్‌(ఫడా) వెల్లడించింది. ఏడాది క్రితం ఇదే నెలలో అమ్ముడైన 22,95,099 యూనిట్లతో పోలిస్తే 8 శాతం తగ్గాయని సోమవారం విడుదల చేసిన నివేదికలో తెలిపింది.

• ద్విచక్ర వాహన విక్రయాలు 17,25, 043 యూనిట్ల నుంచి 12.60 శాతం తగ్గి 15,07,756 యూనిట్లకు క్షీణత.
• ప్యాసింజర్‌ వాహన రిటైల్‌ అమ్మకాలు 1.35 శాతం తగ్గి 3,53,990లకే పరిమి తమయ్యాయి. ఏడాది క్రితం 3,58, 884 యూనిట్లు అమ్ముడయ్యాయి.
• త్రిచక్ర వాహన అమ్మకాలు మాత్రం 45.63 శాతం పెరిగి 1,04,711 యూనిట్లకు చేరాయి. ఏడాది క్రితం ఇది 71,903 యూనిట్లుగా ఉన్నాయి.
• ట్రాక్టర్ల రిటైల్‌ సేల్స్‌ 6.15 శాతం ఎగబాకి 62,440 యూనిట్లు అమ్ముడయ్యాయి.
• కమర్షియల్‌ వాహన విక్రయాలు 10.26 శాతం అధికమై 88,699 యూనిట్లకు చేరుకున్నాయి.

గత నెలలో తొలి పక్షం రోజుల్లో వాహనాలు కొనుగోలు చేయడానికి కస్టమర్లు వెనుకంజవేశారు. ప్రస్తుతం నవరాత్రి సీజన్‌ కావడంతో ఈ నెలలో భారీగా పెరిగే అవకాశం ఉన్నది.
-మనీష్‌ రాజ్‌ సింఘానియా, ఫడా ప్రెసిడెంట్‌