Matter Aera E-Bike | యూత్‌ను ఆక‌ట్టుకునేలా తొలి ఈ-బైక్ మ్యాట‌ర్ ఏరా.. సింగిల్ చార్జితో 125 కిమీ ప్ర‌యాణం

Matter Aera E-Bike | యూత్‌ను ఆక‌ర్షించే విధంగా అత్యాధునిక టెక్నాల‌జీతో రూపుదిద్దుకున్న తొలి గేర్ ఎల‌క్ట్రిక్ బైక్ `ఏరా`ను స్టార్ట‌ప్ సంస్థ మ్యాట‌ర్ ఎన‌ర్జీ ఆవిష్క‌రించింది. పూర్తిగా స్పోర్టీ లుక్‌తో ఉన్న ఈ బైక్ ధ‌ర‌ రూ.1.44 ల‌క్ష‌ల నుంచి మొద‌ల‌వుతుంది.

Matter Aera E-Bike | అహ్మ‌దాబాద్ కేంద్రంగా ప‌ని చేస్తున్న ఎల‌క్ట్రిక్ వెహిక‌ల్ స్టార్ట‌ప్ మ్యాట‌ర్ ఎన‌ర్జీ.. మోడ‌ర్న్ టెక్నాల‌జీతో దేశీయ మార్కెట్‌లోకి తొలి గేర్ ఎల‌క్ట్రిక్ బైక్ `మ్యాట‌ర్ ఏరా (Matter Aera)`ను ఆవిష్క‌రించింది. దేశంలోకి మొట్ట‌మొద‌టిసారి వ‌స్తున్న గేర్డ్ ఎల‌క్ట్రిక్ బైక్ ఇది. 4-స్పీడ్ మాన్యువ‌ల్ ట్రాన్స్‌మిష‌న్ ఆప్ష‌న్‌తో వ‌స్తున్న‌ది. ఆటో ఎక్స్‌పో-2023లో `ఏరా`ను మ్యాట‌ర్ ఎన‌ర్జీ ఆవిష్క‌రించింది. యువ‌త‌ను ఆక‌ట్టుకునేలా పూర్తిగా స్పోర్ట్స్ లుక్‌తో వ‌స్తున్న దీని ప్ర‌త్యేక‌త‌లు తెలుసుకుందామా..!

• సింగిల్ చార్జితో 125 కి.మీ దూరం ప్ర‌యాణం చేయొచ్చు.

• ఈ బైక్ నాలుగు ట్రిమ్ ఆప్ష‌న్లు 4000, 5000, 5000+, 6000+ వేరియంట్ల‌లో ల‌భ్యం.
• ఏరా 5000 బైక్ రూ.1,43,999, ఏరా 5000 + బైక్ రూ.1,53,999ల‌కు ల‌భ్యం.

• ఏరా 4000, ఏరా 6000+ వేరియంట్ బైక్‌లు ఇంకా తయారు కాలేదు.

• 5000, 5000+ బైక్‌ల బుకింగ్స్ ప్రారంభం.

• మూడేండ్ల వారంటీ ప్ల‌స్ రోడ్‌సైడ్ అసిస్టెన్స్‌, ఏఎంసీ/లేబ‌ర్ క‌వ‌రేజ్‌.

• ఏరా 4000, ఏరా 5000 + వేరియంట్ బైక్‌లు 5-కిలోవాట్ల లిక్విడ్ కూల్డ్ బ్యాట‌రీ ప్యాక్ ఆప్ష‌న్‌.

• సింగిల్ చార్జింగ్‌తో 125 కి.మీ. దూరం ప్ర‌యాణ సామ‌ర్థ్యం. బ్యాట‌రీ ప్యాక్‌పై మూడేండ్ల వారంటీ.

• నార్మ‌ల్ చార్జ‌ర్‌తో ఐదు గంట‌లు, ఫాస్ట్ చార్జ‌ర్‌తో రెండు గంట‌ల్లో చార్జింగ్‌.

• ఏబీఎస్‌తోపాటు ఫ్రంట్ అండ్ రేర్ డిస్క్ బ్రేక్‌.

• ఎల్ఈడీ హెడ్ ల్యాంప్స్ విత్ ఇంటిగ్రేటెడ్ ఎల్ఈడీ డేటైం ర‌న్నింగ్ లైట్స్‌.

• ఐసీఈబైక్‌ల‌పై ఇంజిన్ గార్డ్‌, స్ప్లిట్ సీట్స్‌, ఎల్ఈడీ టెయిల్ లైట్‌, స్ప్లిట్ గ్రాబ్ రైల్ ఫ‌ర్ ఫిల్లోన్ రైడ‌ర్‌.

• 10కిలోవాట్ల ఎల‌క్ట్రిక్ వాట్ల సామ‌ర్థ్యం గ‌ల ఎల‌క్ట్రిక్‌ మోట‌ర్‌తో ఏరా 5000, ఏరా 5000 + బైక్స్ సిద్ధం.

• హైప‌ర్ షిఫ్ట్ 4-స్పీడ్ మాన్యువ‌ల్ గేర్ బాక్స్‌.

• ఆరు సెక‌న్ల‌లోపే 60 కి.మీ. వేగంతో దూసుకెళ్లే కెపాసిటీ.

• ఎకో మోడ్‌లో గ‌రిష్టంగా 30 కి.మీ., సిటీ మోడ్‌లో 70 కి.మీ., స్పోర్ట్ మోడ్‌లో 95 కి.మీ.

క‌నెక్టివిటీ ఇలా..

4జీ, వై-ఫై, బ్లూటూత్ క‌నెక్టివిటీ, పార్క్ అసిస్ట్‌, కీలెస్ ఆప‌రేష‌న్‌, ఓటీఏ అప్‌డేట్స్‌, ప్రోగ్రెసివ్ బ్లింక‌ర్స్‌, 7-అంగుళాల ట‌చ్‌-కంపాటిబుల్ ఎల్‌సీడీ డిస్‌ప్లే విత్ వెల్‌కం లైట్స్‌.