కూరగాయాలు తగ్గితేనే
కూరగాయల ధరలు తగ్గితేనే కేంద్ర బ్యాంక్ నిర్దేశిత 6 శాతంలోపునకు ద్రవ్యోల్బణం దిగివస్తుందని, అప్పుడు ధరల సూచి ఏ దిశగా వెళుతుందన్న అంశంపై స్పష్టత లభిస్తుందని రిజర్వ్బ్యాంక్ మానిటరీ పాలసీ కమిటీ (ఎంపీసీ) మెంబర్ అషిమా గోయల్ చెప్పారు.
- ద్రవ్యోల్బణం దిగొచ్చేది అప్పుడే
- ఆర్బీఐ ఎంపీసీ మెంబర్ అషిమా గోయల్
న్యూఢిల్లీ, ఆగస్టు 25: కూరగాయల ధరలు తగ్గితేనే కేంద్ర బ్యాంక్ నిర్దేశిత 6 శాతంలోపునకు ద్రవ్యోల్బణం దిగివస్తుందని, అప్పుడు ధరల సూచి ఏ దిశగా వెళుతుందన్న అంశంపై స్పష్టత లభిస్తుందని రిజర్వ్బ్యాంక్ మానిటరీ పాలసీ కమిటీ (ఎంపీసీ) మెంబర్ అషిమా గోయల్ చెప్పారు. టమోటల తదితర ఆహారోత్పత్తుల ధరలు అనూహ్యంగా పెరిగాయని, అయితే సీజనల్గా కూరగాయలు ఒక షాక్ ఇచ్చిన తర్వాత తగ్గుతాయని అంచనా వేస్తున్నామన్నారు. రాయిటర్స్ వార్తా సంస్థతో గోయల్ మాట్లాడుతూ కూరగాయల ధరలు తగ్గుముఖం పడితే ద్రవ్యోల్బణం తమ నిర్దేశిత 2-6 శ్రేణిలోకి వస్తుందన్నారు. జూలై నెలలో రిటైల్ ద్రవ్యోల్బణం (సీపీఐ) 15 నెలల గరిష్ఠస్థాయి 7.44 శాతానికి చేరిన సంగతి తెలిసిందే. సీపీఐలోని ఆహార ధరల సూచి ఏకంగా మూడేండ్ల గరిష్ఠం 11.5 శాతం పెరిగింది.

పెట్రో ధరలు తగ్గించవచ్చు
తృణధాన్యాలు, పప్పు దినుసులు, మసాలా దినుసుల ధరలు సైతం ఆకాశాన్నంటాయని, వీటి దించడానికి సరఫరా సంబంధిత చర్యల్ని ప్రభుత్వం తీసుకున్నదని అషిమా గోయల్ వివరించారు. వీటి ధరల్ని ప్రభుత్వ చర్యల (ఎగుమతులపై నిషేధం, దిగుమతి సుంకాల తగ్గింపు, వ్యాపారుల నిల్వలపై నియంత్రణలు వంటివి) ద్వారా అదుపు చేయవచ్చని, అటువంటి అస్ర్తాలు ప్రభుత్వం వద్ద చాలానే ఉన్నాయని చెప్పారు. ఇంధన ధరల్ని తగ్గిస్తే ప్రభుత్వానికి ఆర్థికంగా వచ్చే నష్టమేదీ ఉండదని, కేవలం ఆయిల్ మార్కెటింగ్ కంపెనీలపైనే ఆ ప్రభావం పడుతుందని గోయల్ చెపుతూ ఇటువంటి చర్యలతో కుటుంబాల ధరాభారం తగ్గుతుందని ప్రభుత్వానికి సూచించారు. ఆర్బీఐ ఎంపీసీలోని ఆరుగురు సభ్యుల్లో అషిమా గోయల్, జయంత్ వర్మ, శశాంక్ భిడేలు కేంద్రం నియమించిన స్వతంత్ర సభ్యులు.
లిక్విడిటీ కట్టడికి బదులు రెపో పెంచాలి
రూ.2,000 నోట్ల రద్దు తర్వాత వచ్చిపడిన డిపాజిట్లతో బ్యాంక్ల వద్ద పేరుకుపోయిన లిక్విడిటీని కట్టడి చేయడమే కేంద్ర బ్యాంక్ ప్రాధాన్యత అని ఆర్బీఐ డిప్యూటీ గవర్నర్ మైఖల్ పాత్ర చెప్పారు. ఈ నెల ప్రారంభంలో ద్రవ్య సమీక్షా సమావేశపు మినిట్స్ తాజాగా ఆర్బీఐ విడుదల చేసింది. ఈ సమావేశంలో మైఖల్ అభిప్రాయంపై అషిమా గోయల్ వ్యాఖ్యానిస్తూ ఒక స్థాయి తర్వాత లిక్విడిటీని కట్టడి చేయరాదని, దీంతో స్వల్పకాలిక వడ్డీ రేట్లు రెపో రేటును మించిపోతాయన్నారు. రేట్లు పెంచాల్సివస్తే రెపో రేటునే పెంచాలని సూచించారు. మరో ఇండిపెండెంట్ సభ్యుడు జయంత్ వర్మ ప్రస్తుత రెపో రేటు ద్రవ్యోల్బణాన్ని దించడానికి అవసరమైనంత గరిష్ఠస్థాయిలో ఉన్నదన్న అభిప్రాయాన్ని వ్యక్తం చేశారు.
Read Today's Latest Business News in Telugu and Telugu News
RELATED ARTICLES
తాజా వార్తలు
Nitish Setu | నితీశ్ సేతుపై ఆర్జేడీ కార్యకర్తల వీరంగం.. బ్యానర్లు ధ్వంసం
The Lakshmana | వెండితెరపై లక్ష్మణుడి అజ్ఞాత వీరగాథ.. ఆకట్టుకుంటున్న ‘ది లక్ష్మణ’ ఫస్ట్ లుక్ పోస్టర్!
Mallu Ravi | ఎమ్మెల్యేలు కోమటిరెడ్డి రాజగోపాల్ రెడ్డి, అనిరుధ్ రెడ్డి లక్ష్మణ రేఖ దాటారు : మల్లు రవి
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
Road Accident | లారీని ఢీకొట్టిన టెంపో.. ఒకే కుటుంబానికి చెందిన 9 మంది దుర్మరణం..!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

