Hyundai Alcazar | దేశీయ మార్కెట్ లోకి అప్ డేటెడ్ హ్యుండాయ్ అల్కాజర్.. రూ.16.75 లక్షల నుంచి షురూ.. !

Hyundai Alcazar | దేశీయ మార్కెట్లోకి హ్యుండాయ్ మోటార్ ఇండియా.. అప్ డేటెడ్ అల్కాజర్ కారు తీసుకొచ్చింది. దీని ధర రూ.16.75 లక్షల నుంచి మొదలవుతుంది. ఆసక్తి కల వారు రూ.25 వేలు చెల్లించి ప్రీ-బుకింగ్ చేసుకోవచ్చు.

Hyundai Alcazar |హ్యుండాయ్ మోటార్ ఇండియా కార్లలో పాపులర్ మోడల్ అల్కాజర్.. దాని అప్‌డేటెడ్ వర్షన్ కారును మంగళవారం దేశీయ మార్కెట్లో విడుదల చేసింది. ఆరు లేదా ఏడు సీట్ల ఎస్‌యూవీ.. 1.5 టర్బో జీడీఐ పెట్రోల్ ఇంజిన్‌తో వస్తోంది. ఈ అప్‌డేటెడ్ అల్కాజర్ కారు ధర రూ.16.75 లక్షల నుంచి ప్రారంభమై రూ.20.25 లక్షల వరకు పలుకుతుంది. అల్కాజర్ కారు నాలుగు వేరియంట్లు – ప్రిస్టీజ్, ప్లాటినం, ప్లాటినం (ఓ), సిగ్నేచర్ (ఓ)ల్లో వస్తున్నది. ఆసక్తి గల కస్టమర్లు ఆన్‌లైన్‌లో గానీ, ఆథరైజ్డ్ డీలర్ల వద్ద గానీ రూ.25 వేలు చెల్లించి కారు బుక్ చేసుకోవచ్చు.

అప్‌డేటెడ్ అల్కాజర్ స్పెషిఫికేషన్స్

• ఆర్డీఈ-కంప్లయింట్ 1.5 లీటర్ల డీజిల్ సీఆర్డీఐ ఇంజిన్.

• 4000 ఆర్పీఎం వద్ద 116 పీఎస్ విద్యుత్, 1500-2750 ఆర్పీఎం వద్ద 250 ఎన్ఎం టార్చి వెలువరిస్తుంది.

• న్యూ 1.5 టర్బో జీడీఐ పెట్రోల్ ఇంజిన్ ఆర్డీఈ కంప్లయింట్, ఈ20 ఫ్యూయల్ రెడీ.

• 6-మాన్యువల్ ట్రాన్స్‌మిషన్, సెవెన్ డీసీఐ యూనిట్ ట్రాన్స్‌మిషన్.

• మాన్యువల్ ట్రాన్స్‌మిషన్‌పై లీటర్ పెట్రోల్‌పై 17.5 కి.మీ. మైలేజీ.

• డీసీటీ యూనిట్ ట్రాన్స్‌మిషన్‌పై లీటర్ పెట్రోల్‌పై 18 కి.మీ. మైలేజీ.

• రివైజ్డ్ ఫ్రంట్ గ్రిల్లె, న్యూ పడిల్ ల్యాంప్ లోగో విత్ ‘అల్కాజా’ ఎంబ్లం.

• సేఫ్టీ కోసం సిక్స్ ఎయిర్ బ్యాగ్స్, ఐడిల్ స్టాప్, గో ఫీచర్.

• టర్బో జీడీఐ పెట్రోల్ వేరియంట్ ఇంజిన్ 5500 ఆర్పీఎం వద్ద 160 పీఎస్ విద్యుత్, 1500-3500 ఆర్పీఎం వద్ద 253 ఎన్ఎం టార్చి వెలువరిస్తుంది.

• 1.51 లీటర్ల టర్బో జీడీఐ పెట్రోల్ ఇంజిన్ గల కారు ఏడు సీట్లతో 6 ఎంటీ ట్రాన్స్ మిషన్ తో ప్రిస్టీజ్ వేరియంట్ రూ.16,74,900, ప్లాటినం వేరియంట్ రూ.18,65,100 లకు లభిస్తుంది.

• 1.51 లీటర్ల టర్బో జీడీఐ పెట్రోల్ ఇంజిన్ గల కారు 6/7 సీట్లతో 7 డీసీటీ డ్రైవ్ ట్రాన్స్ మిషన్ తో ప్లాటినం (ఓ) వేరియంట్ రూ.19,96,000, సిగ్నేచర్ (ఓ) వేరియంట్ రూ.20,25,100లకు లభిస్తుంది.