Google Lay-off | సెర్చింజన్ గూగుల్తో ఆయనది 19 ఏండ్ల అనుబంధం.. ఆయన పేరు కెవిన్ బౌర్రిల్లియన్.. ఇటీవలే కంపెనీ లే-ఆఫ్స్లో కొలువు కోల్పోయాడు. గూగుల్తో దాదాపు రెండు దశాబ్దాల అనుబంధానికి ఆయన తెర దించాల్సి వచ్చింది. ఈ నేపథ్యంలో గూగుల్తో తన సుదీర్ఘ ప్రయాణం ముగింపుపై బౌర్రిల్లియన్ తన అభిప్రాయాలను సోషల్ మీడియాలో షేర్ చేసుకున్నాడు. ‘గూగుల్లో 19 ఏండ్ల అనుబంధానికి శుభం కార్డ్ పడింది. ఆ టీంలో 10 మందికి పైగా సభ్యుల్లో నేనొక్కడిని. నిన్న ఉదయం నాకు కఠిన నిర్ణయం ఎదురైంది. బుల్లెట్ తాకింది. ఓవర్ నైట్ నాకు ఉద్వాసన పలికిందని తెలుసుకున్నా’ అని కెవిన్ బౌర్రిల్లియన్ తన ఎక్స్ (మాజీ ట్విట్టర్)లో ట్వీట్ చేశారు.
ఉద్యోగం కోల్పోతే ఎదురయ్యే సవాళ్లన్నీ గుర్తుకొస్తాయి. కుటుంబ నిర్వహణ, పిల్లల కెరీర్, సవాలక్ష కష్టాలను ఫేస్ చేయాల్సి ఉంటుంది. కానీ బౌర్రిల్లియన్ మాత్రం తన ఉద్వాసనపై ఆశ్చర్యకరంగా పాజిటివ్గా స్పందించాడు. ‘లేఆఫ్స్ షాక్. కానీ. నాకు మటుకు ఫైన్ నిర్ణయం. చాలా సుదీర్ఘకాలం పాటు నా జీవితంలో కొంత మార్పు చేసుకోవాల్సిన అవసరం ఉంది. ఇప్పటికైతే భవిష్యత్పై నాకు ఎటువంటి ప్రణాళికల్లేవు’ అని పేర్కొన్నాడు.
End of an era! After 19 years of working at @Google, with more than 16 of them on the team that I founded, I made the tough decision yesterday morning to finally bite the bullet and find out that I'd been laid off overnight.
— Kevin Bourrillion (@kevinb9n) January 12, 2024
‘కొత్త ప్రణాళికలు అమలు చేసేందుకు ఆసక్తిగా ఎదురుచూస్తున్నట్లు తెలిపాడు. సైక్లింగ్, రీడింగ్, డ్రమ్ లెసన్స్ రీస్టార్ట్, ట్రావెలింగ్తోపాటు కుటుంబంతో విలువైన టైం గడుపాలని ఉంది’ అని కూడా తెలిపారు. ‘నా లే-ఆఫ్పై ఎటువంటి సానుభూతి అక్కర్లేదు. ఉద్వాసనకు గురైన తర్వాత నా జీవితం ఎలా ఉండాలో నిర్ణయించుకోవాలి’ అని అన్నాడు. డిజిటల్ అసిస్టెంట్, హార్డ్వేర్, ఇంజినీరింగ్ టీమ్స్లో ఉద్వాసనలు ఉంటాయని గూగుల్ పేరెంట్ సంస్థ అల్ఫాబెట్ ఇటీవల ప్రకటించిన నేపథ్యంలో కెవిన్ బౌర్రిల్లియన్ ఉద్వాసనకు గురి కావడం యాద్రుచ్చిక పరిణామం అని భావిస్తున్నారు.
‘2023 ద్వితీయార్థం నుంచి మెరుగైన పనితీరు, సమర్థవంతంగా పని చేయడంపై మా టీమ్స్ కేంద్రీకరించాయి. ఉత్పత్తుల ప్రాధాన్యాల్లో తమ వనరులను బలోపేతం చేసుకోవడమే టీమ్స్ ప్రాధాన్యం. ప్రపంచవ్యాప్తంగా ఉద్వాసనలతోపాటు సంస్థాగత మార్పులను కొనసాగిస్తూ కొన్ని టీమ్స్ విధులు నిర్వర్తిస్తున్నాయి’ అని గూగుల్ అధికార ప్రతినిధి పేర్కొన్నాడు.