1.56 లక్షల దిగువకు పుత్తడి.. రూ 2,700 తగ్గిన తులం ధర
బంగారం కొండదిగుతున్నది. గత కొన్ని రోజులుగా భారీగా పెరిగిన బంగారం ధరలు అంతే వేగంతో కిందికి పడిపోతున్నాయి. అంతర్జాతీయ మార్కెట్లో అతి విలువైన లోహాల ధరలు భారీగా పెరిగినప్పటికీ దేశీయంగా తగ్గుముఖం పట్టడం విశేషం. న్యూఢిల్లీ బులియన్ మార్కెట్లో 99.9 శాతం స్వచ్ఛత కలిగిన పదిగ్రాముల గోల్డ్ ధర ఏకంగా రూ.2,700 తగ్గి రూ.1.56 లక్షల దిగువకు పడిపోయింది.
న్యూఢిల్లీ, సెప్టెంబర్ 11: బంగారం కొండదిగుతున్నది. గత కొన్ని రోజులుగా భారీగా పెరిగిన బంగారం ధరలు అంతే వేగంతో కిందికి పడిపోతున్నాయి. అంతర్జాతీయ మార్కెట్లో అతి విలువైన లోహాల ధరలు భారీగా పెరిగినప్పటికీ దేశీయంగా తగ్గుముఖం పట్టడం విశేషం. న్యూఢిల్లీ బులియన్ మార్కెట్లో 99.9 శాతం స్వచ్ఛత కలిగిన పదిగ్రాముల గోల్డ్ ధర ఏకంగా రూ.2,700 తగ్గి రూ.1.56 లక్షల దిగువకు పడిపోయింది. బులియన్ మార్కెట్ ముగిసే సమయానికి రూ.1,55,900 వద్ద స్థిరపడింది. అంతకుముందు గోల్డ్ ధర రూ.1,58,600గా ఉన్నది. గ్లోబల్ మార్కెట్లో గోల్డ్ ధరలు పెరిగినప్పటికీ తీవ్ర ఒత్తిడిలో ఉన్నాయని, వరుసగా మూడోవారం కూడా ధరలు తగ్గుముఖం పట్టాయని హెచ్డీఎఫ్సీ సెక్యూరిటీస్ సీనియర్ అనలిస్ట్ సౌమిల్ గాంధీ తెలిపారు.
ఇంధన ధరలు భగ్గుమంటుండటం, దీంతో ద్రవ్యోల్బణం మరింత పెరిగే అవకాశాలుండటంతో వడ్డీరేట్లు అధికమయ్యే సూచనలు కూడా పెట్టుబడిదారులను ఆందోళనకు గురిచేసిందన్నారు. దీంతో తమ పెట్టుబడులను సురక్షితమైన అతి విలువైన లోహాల నుంచి ఈక్విటీలు, డెరివేటివ్లకు మళ్లించడంతో వీటి ధరలు తగ్గుముఖం పట్టాయన్నారు.
10 వేలు తగ్గిన వెండి
బంగారంతోపాటు వెండి ధరలు కూడా పడిపోయాయి. పారిశ్రామిక వర్గాలు, నాణేల తయారీదారుల నుంచి కొనుగోళ్లు అంతంత మాత్రంగానే ఉండటంతో కిలో వెండి ఏకంగా రూ.10 వేలు తగ్గి రూ.2,34,600గా ఉన్నది. గురువారం ఈ ధర రూ.2,44,600గా నమోదైంది. ఇటీవల కాలంలో భారీగా పుంజుకున్న బంగారం ధరలు కరెక్షన్కు గురయ్యాయని, వీటికి తోడు స్థానిక మార్కెట్లో అమ్మకాల ఒత్తిడికి గురికావడం కూడా ధరలు భారీగా పడిపోవడానికి ప్రధాన కారణమని ట్రేడర్లు వెల్లడించారు. అంతర్జాతీయ మార్కెట్లో ఔన్స్ గోల్డ్ 49.82 డాలర్లు లేదా 1.15 శాతం బలపడి 4,366.58 వద్దకు చేరుకోగా, వెండి రెండు శాతం అధికమై 64.77 డాలర్లకు ఎగబాకింది.
Read Today's Latest Business News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

