కియా దివాలీ ఆఫర్లు

కియా దీపావళి ప్రత్యేక ఆఫర్లను తీసుకొచ్చింది. కార్లపై రూ.1.70 లక్షల వరకు డిస్కౌంట్‌ను ఇస్తున్నది.

న్యూఢిల్లీ, నవంబర్‌ 7: కియా దీపావళి ప్రత్యేక ఆఫర్లను తీసుకొచ్చింది. కార్లపై రూ.1.70 లక్షల వరకు డిస్కౌంట్‌ను ఇస్తున్నది. దీంట్లో కార్నివాల్‌పై లక్ష రూపాయల వరకు ఎక్సేంజ్‌ బోనస్‌ కింద ఇస్తున్న సంస్థ..కార్పొరేట్‌ ప్రయోజనాల కింద రూ.50 వేలు అందిస్తున్నది. దీంతోపాటు కారెన్స్‌ క్లావిస్‌ టర్బోపై రూ.95 వేలు, సోనెట్‌ హెచ్‌టీకేపై రూ.65 వేలు, సైరోస్‌, సెల్టోస్‌, సోరెంటో, కారెన్స్‌ క్లావిస్‌ ఈవీలపై కూడా లక్ష రూపాయల వరకు ఆర్థిక ప్రయోజనాలు కల్పిస్తున్నట్టు వెల్లడించింది. కారెన్స్‌ క్లావిస్‌ టర్బోపై రూ.10 వేల వరకు నగదు రాయితీ, రూ.30 వేల ఎక్సేంజ్‌ బోనస్‌ కింద ఇస్తున్నది.