EPFO | పార్షియల్ విత్డ్రాయల్ రూల్స్ను సవరించిన ఈపీఎఫ్వో.. కనీస నిల్వ మొత్తం 10 శాతానికి తగ్గింపు..!
EPFO | ఉద్యోగులు తమ పీఎఫ్ ఖాతా (PF Account) నుంచి నిధులను పాక్షికంగా ఉపసంహరించుకునే విధానానికి సంబంధించిన నిబంధనలను ఈపీఎఫ్వో (EPFO) సవరించింది. ప్రస్తుతం అమలవుతున్న విధానం ప్రకారం.. ఉద్యోగులు తమ ఖాతాలోని నిధుల మొత్తంలో 25 శాతాన్ని మినహాయించి మిగిలిన దాన్ని ఉపసంహరించుకోవచ్చు.
EPFO : ఉద్యోగులు తమ పీఎఫ్ ఖాతా (PF Account) నుంచి నిధులను పాక్షికంగా ఉపసంహరించుకునే విధానానికి సంబంధించిన నిబంధనలను ఈపీఎఫ్వో (EPFO) సవరించింది. ప్రస్తుతం అమలవుతున్న విధానం ప్రకారం.. ఉద్యోగులు తమ ఖాతాలోని నిధుల మొత్తంలో 25 శాతాన్ని మినహాయించి మిగిలిన దాన్ని ఉపసంహరించుకోవచ్చు. ఇప్పుడు ఈ కనీస నిల్వ మొత్తాన్ని 10 శాతానికి తగ్గించారు. అంటే పీఎఫ్ బ్యాలెన్స్ (PF Balance) నుంచి 90 శాతం వరకు నిధులను ఉపసంహరించుకునే వెసులుబాటు కల్పించారు.
అంతేగాక మిగిలిన కనీస నిల్వను విత్డ్రా చేసుకునేందుకు గతంలో ఉన్న నిబంధనల ప్రకారం 12 నెలలు నిరుద్యోగిగా ఉండాలి. కానీ ఆ గడువును సైతం ఇప్పుడు కేవలం 2 నెలలకు తగ్గించారు. అంటే ఉద్యోగి కేవలం రెండు నెలలు నిరుద్యోగిగా ఉంటే మిగిలిన 10 శాతం కనీస నిల్వను కూడా ఉపసంహరించుకోవచ్చు. ఈపీఎఫ్ఓ సెంట్రల్ బోర్డ్ ఆఫ్ ట్రస్టీస్ గురువారం జరిగిన సమావేశంలో ఈ నిర్ణయం తీసుకున్నారు.
ప్రస్తుత రూల్స్ ప్రకారం.. ఈపీఎఫ్లో నెలవారీగా జమయ్యే ఉద్యోగి, యజమాని వాటాల్లో 25 శాతం మొత్తాన్ని కనీస నిల్వగా ఈపీఎఫ్ఓ నిర్ణయించింది. ఈ కనీస మొత్తం మినహాయించగా మిగతా 75 శాతం నుంచి అనుమతించిన క్లెయిమ్ల సంఖ్య మేరకు నగదు ఉపసంహరణ చేసుకొనే వెసులుబాటు ఉంది. ఉద్యోగం మానేస్తే మాత్రం నగదు నిల్వ నుంచి 75 శాతం నిధులను వెనక్కి తీసుకోవచ్చు. తర్వాత 12 నెలలపాటు నిరుద్యోగిగా ఉంటే కనీస నిల్వ 25 శాతాన్ని కూడా తీసుకునేందుకు ఈపీఎఫ్ఓ అనుమతిస్తుంది.
కొత్త రూల్స్ ప్రకారం.. వైద్యం, విద్య, వివాహం, ఇంటి నిర్మాణం తదితర అవసరాల కోసం ఇకపై కేవలం 10 శాతం నిల్వను మినహాయించి మిగిలిన మొత్తాన్ని ఉపసంహరించుకోవచ్చు. ఆ మిగిలిన 10 శాతాన్ని 55 ఏళ్లు వచ్చాక ఉపసంహరించుకోవచ్చు. ఏదైనా కారణంతో ఉద్యోగం కోల్పోయి రెండు నెలలపాటు నిరుద్యోగిగా ఉన్నా ఆ పదిశాతం నిధులనూ ఉపసంహరించుకునే వెసులుబాటును ఈపీఎఫ్ఓ కల్పిస్తున్నది.
ఇక గతంలో 13 రకాల కేటగిరీలు, వేర్వేరు నిబంధనలు, పరిమితులు ఉండటంతో చందాదారుడు తన ఖాతాలోని నగదును సులువుగా తీసుకునేందుకు అవకాశం ఉండకపోయేది. తాజాగా ఆ కేటగిరీలను మూడు గ్రూప్లుగా విభజించారు. దాంతో ఎలాంటి పత్రాలు అవసరం లేకుండా నగదు తీసుకునేందుకు వెసులుబాటు లభిస్తున్నది. గతంలో వివాహం, ఇంటి నిర్మాణం కోసం నగదు తీసుకునేందుకు కనీసం 5 నుంచి ఏడేళ్ల సర్వీసు పూర్తిచేసిన వారికే అవకాశం ఉండేది.
కొత్త నిబంధనల ప్రకారం.. కేవలం ఏడాది సర్వీసు పూర్తిచేసిన వారు కూడా ఆయా కేటగిరీల్లో నగదు తీసుకోవచ్చు. అదేవిధంగా విద్య, అనారోగ్యం కేటగిరీల కింద ఉపసంహరణలను ఇంకా సులభతరం చేశారు. ప్రత్యేక పరిస్థితుల్లో ఏడాదికి రెండుసార్లు ఎలాంటి పత్రాలు లేకుండా అర్హత కలిగిన నిల్వను పూర్తిగా వెనక్కి తీసుకోవచ్చు.
Read Today's Latest Business News in Telugu and Telugu News
RELATED ARTICLES
తాజా వార్తలు
EPFO | పార్షియల్ విత్డ్రాయల్ రూల్స్ను సవరించిన ఈపీఎఫ్వో.. కనీస నిల్వ మొత్తం 10 శాతానికి తగ్గింపు..!
‘వ్యక్తిగత వ్యాపారాలతో ఆర్ధికాభివృద్ధి సాధించాలి’
Kondagattu | కొండగట్టులో చందనోత్సవాల సందర్భంగా పటిష్ట పోలీస్ బందోబస్తు : ఎస్పీ అశోక్ కుమార్
అడ్డుకట్ట వేయకపోతే సింగరేణి కాలనీల్లో పచ్చదనం కనుమరుగు!
‘నేటికి కరువు సహాయక చర్యలు చేపట్టకపోవడం శోచనీయం’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

