ఎయిర్‌పోర్టు మెట్రో రూట్‌లో రైట్‌ ఆఫ్‌ వే

విమానాశ్రయ మెట్రో పనులు శరవేగంగా కొనసాగుతున్నాయి. ఐటీ కారిడార్‌లోని రాయదుర్గం మెట్రో స్టేషన్‌ నుంచి ఔటర్‌ రింగ్‌రోడ్డు వెంబడి శంషాబాద్‌ ఎయిర్‌పోర్ట్‌ లోపలి వరకు నిర్మిస్తున్న మెట్రో మార్గంలో భూమిని చదును చేయడం, రైట్‌ ఆఫ్‌ వే కోసం ఫెన్సింగ్‌ పనులు చేపడుతున్నారు.

హైదరాబాద్‌ సిటీబ్యూరో, అక్టోబర్‌ 4 (నమస్తే తెలంగాణ): విమానాశ్రయ మెట్రో పనులు శరవేగంగా కొనసాగుతున్నాయి. ఐటీ కారిడార్‌లోని రాయదుర్గం మెట్రో స్టేషన్‌ నుంచి ఔటర్‌ రింగ్‌రోడ్డు వెంబడి శంషాబాద్‌ ఎయిర్‌పోర్ట్‌ లోపలి వరకు నిర్మిస్తున్న మెట్రో మార్గంలో భూమిని చదును చేయడం, రైట్‌ ఆఫ్‌ వే కోసం ఫెన్సింగ్‌ పనులు చేపడుతున్నారు.

ఇందుకోసం సుమారు రూ.6.96 కోట్ల నిధులను వెచ్చించనున్నారు. ఇప్పటికే మెట్రో ప్రాజెక్టు నిర్మాణ సంస్థ ఎంపిక చివరిదశలో ఉండటంతో ఈ లోపు 31 కిలోమీటర్ల మార్గం లో రైట్‌ ఆఫ్‌ వే స్పష్టంగా ఉండేలా క్షేత్రస్థాయిలో అవసరమైన పనులను అధికారులు వేగవంతం చేశారు.
ఎయిర్‌పోర్టు మెట్రో మార్గంలో..

• ఓఆర్‌ఆర్‌ వెంబడి హిమాయత్‌సాగర్‌ వద్ద ప్రేమావతి పేట రెవెన్యూ పరిధిలోని సర్వే నంబరు 374, 384, 385, 388లలో ఉన్న ఖాళీ స్థలాన్ని చదును చేసి, నిర్ణీత మెట్రో మార్గం చుట్టూ ఫెన్సింగ్‌ ఏర్పాటు చేసే పనులు చేపట్టనున్నారు.
• బుద్వేల్‌, హిమాయత్‌సాగర్‌ ప్రాంతాల్లోని పీఆర్‌ అండ్‌ ఆర్‌డీ సంస్థకు చెందిన ఖాళీ స్థలాన్ని చదును చేయడంతో పాటు సమీపంలో ఉన్న 100 చదరపు అడుగుల రోడ్డును అనుసంధానం చేస్తూ ఫెన్సింగ్‌ను వేయనున్నారు.