ఈ-కామర్స్‌లకు జీఎస్టీ జోష్‌

ప్రస్తుత పండుగ సీజన్‌లో ఈ-కామర్స్‌ సంస్థల విక్రయాలు రికార్డు స్థాయిలో నమోదయ్యాయి. జీఎస్టీ రేట్లను తగ్గిస్తూ కేంద్ర ప్రభుత్వం నిర్ణయానికి అనుగుణంగా అన్ని రకాల ఉత్పత్తుల ధరలు దిగిరావడంతో కొనుగోలుదారులు ఎగబడి కొనుగోళ్లు జరిపారు.

న్యూఢిల్లీ, సెప్టెంబర్‌ 27: ప్రస్తుత పండుగ సీజన్‌లో ఈ-కామర్స్‌ సంస్థల విక్రయాలు రికార్డు స్థాయిలో నమోదయ్యాయి. జీఎస్టీ రేట్లను తగ్గిస్తూ కేంద్ర ప్రభుత్వం నిర్ణయానికి అనుగుణంగా అన్ని రకాల ఉత్పత్తుల ధరలు దిగిరావడంతో కొనుగోలుదారులు ఎగబడి కొనుగోళ్లు జరిపారు.

వీటికి తోడు పలు ఈ-కామర్స్‌ సంస్థలు ప్రత్యేక ఆఫర్లను ప్రకటించడంతో ఎలక్ట్రానిక్స్‌ అమ్మకాలు 23-25 శాతం వరకు పెరిగాయి. జీఎస్టీ సంస్కరణలు ఈ నెల 22 నుంచి అమలులోకి రావడంతో అతిపెద్ద స్క్రీన్‌ టీవీలు, మధ్యస్థాయి ఫ్యాషన్‌, ఫర్నిచర్‌ ప్రయోజనాలు నేరుగా కొనుగోలుదారులకు బదలాయించడంతో వీటి ధరలు భారీగా తగ్గాయని మార్కెట్‌ రీసర్చ్‌ రెడ్‌సీర్‌ తాజాగా వెల్లడించింది.

• అతిపెద్ద టీవీలపై జీఎస్టీని 28 శాతం నుంచి 18 శాతానికి తగ్గిస్తూ కేంద్ర ప్రభుత్వం నిర్ణయం తీసుకున్నది. దీంతో వీటి ధరలు 6-8 శాతం వరకు తగ్గాయి.
• రూ.2,500 లోపు ధర కలిగిన ఫ్యాషన్‌ వస్తువులపై జీఎస్టీని 5 శాతానికి తగ్గించింది. దీంతో దుస్తులు, ఫర్నీచర్‌,ఈ పండుగ సీజన్‌ తొలి రెండు రోజుల్లో 38 కోట్ల మంది కస్టమర్లు సంప్రదించినట్లు అమెజాన్‌ ప్రకటించింది.
• 48 గంటల్లో 21 శాతం మంది కస్టమర్లు అధికమయ్యారని ఫ్లిప్‌కార్ట్‌ వెల్లడించింది.
• మొబైల్స్‌, టీవీలు, రిఫ్రిజిరేటర్లు ఏడాది ప్రాతిపదికన 26 శాతం పెరిగాయి.