సూచీల వరుస లాభాలకు బ్రేక్‌

దేశీయ స్టాక్‌ మార్కెట్ల వరుస లాభాలకు బ్రేక్‌పడింది. వరుసగా నాలుగు రోజులుగా లాభాల్లో కదలాడిన సూచీల్లో ప్రాఫిట్‌ బుకింగ్‌ జరగడంతోపాటు బ్యాంకింగ్‌ రంగ సూచీలు తీవ్ర ఒత్తిడికి గురికావడం సూ చీల పతనానికి ఆజ్యంపోశాయి.

• సెన్సెక్స్‌ 452, నిఫ్టీ 120 పాయింట్ల పతనం

ముంబై, జూన్‌ 30: దేశీయ స్టాక్‌ మార్కెట్ల వరుస లాభాలకు బ్రేక్‌పడింది. వరుసగా నాలుగు రోజులుగా లాభాల్లో కదలాడిన సూచీల్లో ప్రాఫిట్‌ బుకింగ్‌ జరగడంతోపాటు బ్యాంకింగ్‌ రంగ సూచీలు తీవ్ర ఒత్తిడికి గురికావడం సూ చీల పతనానికి ఆజ్యంపోశాయి. అంతర్జాతీయ మార్కెట్ల నుంచి సానుకూల వార్తలు వచ్చినప్పటికీ దేశీయ మదుపరులు అమ్మకాలకు మొగ్గుచూపారు. ఫలితంగా ఇంట్రాడేలో 500 పా యింట్లకు పైగా నష్టపోయిన 30 షేర్ల ఇండెక్స్‌ సూచీ సెన్సెక్స్‌ చివరకు మార్కెట్‌ ముగిసే సమయానికి 84 వేల పాయింట్ల దిగువకు పడిపోయింది. చివరకు 452.44 పాయింట్లు నష్టపోయి 83,606.46 వద్ద నిలిచింది. మరో సూచీ నిఫ్టీ సైతం 120.75 పాయింట్లు కోల్పోయి 25,517.05 వద్ద స్థిరపడింది.

• యాక్సిస్‌ బ్యాంక్‌ 2.14 శాతం నష్టపోయి టాప్‌ లూజర్‌గా నిలిచింది. దీంతోపాటు కొటక్‌ బ్యాంక్‌, మారుతి, అల్ట్రాటెక్‌ సిమెంట్‌, బజాజ్‌ ఫైనాన్స్‌, ఐసీఐసీఐ బ్యాంక్‌, రిలయన్స్‌, టాటా స్టీల్‌ ఒక్క శాతానికి పైగా మార్కెట్‌ వాటాను కోల్పోయాయి.
• అలాగే భారతీ ఎయిర్‌టెల్‌, ఎన్‌టీపీసీ, హెచ్‌డీఎఫ్‌సీ బ్యాంక్‌, మహీంద్రా అండ్‌ మహీంద్రా, సన్‌ఫార్మా, ఐటీసీ, హెచ్‌యూఎల్‌, ఇన్ఫోసిస్‌, ఎల్‌అండ్‌టీలు నష్టపోయాయి.
• ట్రెంట్‌ షేరు 3.34 శాతం బలపడి టాప్‌ గెయినర్‌గా నిలిచింది. దీంతోపాటు ఎస్బీఐ, బెల్‌, టెక్‌మహీంద్రా, ఎటర్నల్‌, అదానీపోర్ట్స్‌, టైటాన్‌, బజాజ్‌ఫిన్‌సర్వ్‌, టీసీఎస్‌, టాటా మోటర్స్‌, హెచ్‌సీఎల్‌
  టెక్నాలజీ, పవర్‌గ్రిడ్‌ షేర్లు లాభాల్లో ముగిశాయి.
• రంగాలవారీగా రియల్టీ, బ్యాంకింగ్‌, ఆటో, మెటల్‌, ఆయిల్‌ అండ్‌ గ్యాస్‌, ఫైనాన్షియల్‌ సర్వీసెస్‌ రంగ షేర్లు నష్టపోగా..కేవలం క్యాపిటల్‌ గూడ్స్‌, సర్వీసెస్‌, ఇండస్ట్రియల్స్‌, హెల్త్‌కేర్‌, కన్జ్యూమర్‌ డ్యూరబుల్‌ రంగ షేర్లు లాభాల్లో ముగిశాయి.