డీజిల్‌ కార్ల దూకుడు

దేశవ్యాప్తంగా పెట్రోల్‌ కార్ల కంటే డీజిల్‌ కార్లకు డిమాండ్‌ అధికంగానే ఉన్నది. ఇంధన ధరల మధ్య వ్యత్యాసం అధికంగా ఉండటంతోపాటు మైలేజీ అధికంగా ఇస్తుండటంతో వీటిని కొనుగోలు చేయడానికి కస్టమర్లు ఎగబడుతున్నారు.

• కొనుగోలుదారులను ఆకట్టుకుంటున్న టాప్‌ 5 మాడళ్లు ఇవే

న్యూఢిల్లీ, డిసెంబర్‌ 28: దేశవ్యాప్తంగా పెట్రోల్‌ కార్ల కంటే డీజిల్‌ కార్లకు డిమాండ్‌ అధికంగానే ఉన్నది. ఇంధన ధరల మధ్య వ్యత్యాసం అధికంగా ఉండటంతోపాటు మైలేజీ అధికంగా ఇస్తుండటంతో వీటిని కొనుగోలు చేయడానికి కస్టమర్లు ఎగబడుతున్నారు. ముఖ్యంగా ఈ పండుగ సీజన్‌లో పెట్రోల్‌ వాహనాలతోపాటు డీజిల్‌ మాడళ్లు కూడా అధికంగా ఉన్నాయని దేశీయ ఆటోమొబైల్‌ తయారీదారుల సంఘం తాజాగా వెల్లడించింది. దేశీయంగా అత్యధికంగా అమ్ముడైన మాడళ్లు ఇవే..

టాటా అల్ట్రోజ్‌:

• 1.5 లీటర్ల రివోటార్క్‌ ఇంజిన్‌తో తయారైన ఈ మాడల్‌ 5-స్పీడ్‌ మాన్యువల్‌ ట్రాన్స్‌మిషన్‌
• సామర్థ్యం, పనితీరు, భద్రత ఫీచర్లకు అధిక ప్రాధాన్యతతో ఈ మాడల్‌ను తీర్చిదిద్దింది.
• ఈ రకం ప్రారంభ ధర రూ.8.79 లక్షలు

కియా సోనెట్‌ హెచ్‌టీఎక్స్‌:

• కాంప్యాక్ట్‌ ఎస్‌యూవీ సెగ్మెంట్‌లో అత్యంత ప్రజాదరణ పొందిన సోనెట్‌ హెచ్‌టీఎక్స్‌ ప్రారంభ ధర 13.05 లక్షలు
• టచ్‌స్క్రీన్‌ ఇన్ఫోటైన్‌మెంట్‌ సిస్టమ్‌, స్మార్ట్‌ఫోన్‌ కనెక్టివిటీ, స్టీరింగ్‌ వీల్‌, ఎల్‌ఈడీ లైటింగ్‌, పలు ఎయిర్‌బ్యాగ్‌లు, ఏబీఎస్‌, రియర్‌ పార్కింగ్‌ సెన్సార్‌ వంటి పీచర్స్‌ ఉన్నాయి.

ఎంజీ హెక్టార్‌:

• మధ్యస్థాయి ఎస్‌యూవీ ఎంజీ హెక్టార్‌ ప్రారంభ ధర రూ.18.28 లక్షలు
• 14 అంగుళాల టచ్‌స్క్రీన్‌ సిస్టమ్‌, ఐస్మార్ట్‌ టెక్నాలజీ ఫీచర్స్‌తో రూపొందించింది.
• ఆటో టర్న్‌ ఇండికేటర్‌ కలిగిన ఈ మాడల్‌లో భద్రత, సౌకర్యవంతం, ైస్టెలిష్‌, అడ్వాన్స్‌ టెక్నాలజీతో తీర్చిదిద్దింది.

మహీంద్రా మరాజో:

• మల్టీ-పర్పస్‌ వాహనమైన మరాజో ప్రారంభ ధర రూ.14.12 లక్షలు.
• ఎనిమిది మంది కూర్చోవడానికి వీలుండే విధంగా డిజైన్‌ చేసిన ఈ కారును 1.5 లీటర్ల డీజిల్‌ ఇంజిన్‌తో తయారు చేసింది.
• ఆరు-స్పీడ్‌ మాన్యువల్‌ ట్రాన్స్‌మిషన్‌, ముందుభాగంలో రెండు ఎయిర్‌బ్యాగ్‌లు, ఏబీఎస్‌, టచ్‌స్క్రీన్‌ ఇన్ఫోటైన్‌మెంట్‌ సిస్టమ్‌ వంటి పీచర్స్‌ ఉన్నాయి.

టయోటా ఫార్చ్యూనర్‌:

• రూ.35.93 లక్షల ప్రారంభ ధరతో ఈ మాడల్‌ లభించనున్నది.
• భద్రత టెక్నాలజీ, యాంటీలాక్‌ బ్రేకింగ్‌ సిస్టమ్‌తో తీర్చిదిద్దింది.