Mobility Expo | ఆటో షో అదుర్స్‌.. ఏకంగా 32 వాహనాలను ప్రదర్శించిన టాటా

భారత్‌ మొబిలిటీ గ్లోబల్‌ ఎక్స్‌పో 2025 శుక్రవారం ఇక్కడి భారత్‌ మండపంలో ఘనంగా మొదలైంది. తొలిరోజు విద్యుత్తు ఆధారిత (ఈవీ) వాహనాలదే పైచేయిగా నిలిచింది. ద్విచక్ర వాహన తయారీ సంస్థల దగ్గర్నుంచి మీడియం, లగ్జరీ లెవల్‌ కార్ల కంపెనీలన్నీ ఎలక్ట్రిక్‌ వెహికిల్స్‌ను పరిచయం చేశాయి మరి. ఇక దేశీయ ఆటో రంగ దిగ్గజ సంస్థ టాటా మోటర్స్‌ ఏకంగా 32 రకాల కమర్షియల్‌, ప్యాసింజర్‌ వెహికిల్స్‌ను ప్రదర్శించడం గమనార్హం.

January 18, 2025 / 06:54 AM IST

Mobility Expo | ఆటో షో అదుర్స్‌.. ఏకంగా 32 వాహనాలను ప్రదర్శించిన టాటా

సరికొత్త మాడళ్లతో అబ్బురపరిచిన ఆటో రంగ సంస్థలు
అట్టహాసంగా మొదలైన భారత్‌ మొబిలిటీ గ్లోబల్‌ ఎక్స్‌పో 2025
ఎలక్ట్రిక్‌ విటారా, క్రెటాలను పరిచయం చేసిన మారుతీ, హ్యుందాయ్‌
నయా టూవీలర్లతో హీరో, సుజుకీ, హోండా, బజాజ్‌, టీవీఎస్‌లు
ఈవీలతో అదరగొట్టిన బెంజ్‌, బీఎండబ్ల్యూ, పోర్షే

Mobility Expo | న్యూఢిల్లీ, జనవరి 17: భారత్‌ మొబిలిటీ గ్లోబల్‌ ఎక్స్‌పో 2025 శుక్రవారం ఇక్కడి భారత్‌ మండపంలో ఘనంగా మొదలైంది. తొలిరోజు విద్యుత్తు ఆధారిత (ఈవీ) వాహనాలదే పైచేయిగా నిలిచింది. ద్విచక్ర వాహన తయారీ సంస్థల దగ్గర్నుంచి మీడియం, లగ్జరీ లెవల్‌ కార్ల కంపెనీలన్నీ ఎలక్ట్రిక్‌ వెహికిల్స్‌ను పరిచయం చేశాయి మరి. ఇక దేశీయ ఆటో రంగ దిగ్గజ సంస్థ టాటా మోటర్స్‌ ఏకంగా 32 రకాల కమర్షియల్‌, ప్యాసింజర్‌ వెహికిల్స్‌ను ప్రదర్శించడం గమనార్హం.

అలాగే వాహన ప్రియులను ఎప్పట్నుంచో ఊరిస్తున్న క్రెటా ఈవీ మాడల్‌ను హ్యుందాయ్‌ దేశంలోకి తీసుకురాగా, బ్యాటరీ ఎలక్ట్రిక్‌ విటారాతో ఈవీ సెగ్మెంట్‌లోకి మారుతీ అడుగుపెట్టింది. గ్రీవ్‌ కాటన్‌ ైగ్జెబర్‌, ఎక్స్‌ప్రెస్‌ వాహనాలతోపాటు, ఈ-మోటర్‌సైకిల్‌ను ఆవిష్కరించింది. సుజుకీ తమ తొలి ఈ-స్కూటర్‌ యాక్సెస్‌ను ప్రదర్శించింది. ఈ నెల 22దాకా ఈ ఎక్స్‌పో జరుగనున్నది.

ఆటో ఎక్స్‌పో హైలైట్స్‌

టాటా మోటర్స్‌ ఈ ఒక్కరోజే 32 కొత్త రకాల ప్యాసింజర్‌, కమర్షియల్‌ వాహనాలను ప్రదర్శించింది.
ప్యాసింజర్‌ వాహన విభాగంలో 18 కార్లు, ఎస్‌యూవీలు.. కమర్షియల్‌ సెగ్మెంట్‌లో 14 వాహనాల్ని తెచ్చిన టాటా.
అప్‌డేట్‌ వెర్షన్‌లో 90లనాటి సియెర్రా కారును ఆవిష్కరించిన టాటా మోటర్స్‌.
7 రకాల మాడల్స్‌ను ఆవిష్కరించిన మెర్సిడెజ్‌ బెంజ్‌.
ఎస్‌యూవీ మకాన్‌, అప్‌డేటెడ్‌ టైకన్‌ స్పోర్ట్‌ సలూన్‌ కార్లను తీసుకొచ్చిన పోర్షే.
ఒక్కసారి చార్జ్‌ చేస్తే 500 కిలోమీటర్లదాకా ప్రయాణించనున్న మారుతీ ఈ-విటారా.
పక్షి రెక్కల తరహాలో తెరుచుకునే డోర్లతో ఎంజీ సైబర్‌స్టర్‌ కారు.
4 రకాల బైకులు, స్కూటర్లను పరిచయం చేసిన హీరో.
2027-28లో దేశీయ మార్కెట్‌కు జేఎస్‌డబ్ల్యూ గ్రూప్‌ ట్రక్కులు, బస్సులు, కార్లు పరిచయం.
ఈ ఏడాది ఆగస్టులో సియెర్రా ఈవీ మాడల్‌ను రూ.25 లక్షల ధరతో మార్కెట్‌కు టాటా మోటర్స్‌ పరిచయం సే వీలున్నది.
వచ్చే ఏడాది జూన్‌లో టాటా అవిన్య మార్కెట్‌లో అందుబాటులోకి వచ్చే అవకాశం.
త్వరలో మరిన్ని కొత్త మాడళ్లను తీసుకొస్తామన్న జేఎస్‌డబ్ల్యూ ఎంజీ మోటర్స్‌.
ఐకానిక్‌ ఆర్‌ఎక్స్‌ 100, ఆర్‌డీ 350 మాడళ్లను ప్రదర్శించిన యమహా మోటర్స్‌.
ఆటో షోలో యమహా ఏఐ కాన్సెప్ట్‌ బైక్‌తోపాటు మరో 9 రకాల బైక్‌ మాడల్స్‌ ప్రదర్శన.
సీఎన్‌జీ బైక్‌, స్కూటర్లను ఆవిష్కరించిన బజాజ్‌, టీవీఎస్‌లు.