జైలు నుంచి ఐబొమ్మ రవి విడుదల

సినిమాల పైరసీ కేసులో అరెస్టయిన ఐబొమ్మ రవి బుధవారం చంచల్‌గూడ జైలు నుంచి విడుదలయ్యారు. హైకోర్టు అతనికి 12 షరతులతో కూడిన బెయిల్‌ మంజూరు చేసింది.

హైదరాబాద్‌ సిటీబ్యూరో, ఫిబ్రవరి 18 (నమస్తే తెలంగాణ): సినిమాల పైరసీ కేసులో అరెస్టయిన ఐబొమ్మ రవి బుధవారం చంచల్‌గూడ జైలు నుంచి విడుదలయ్యారు. హైకోర్టు అతనికి 12 షరతులతో కూడిన బెయిల్‌ మంజూరు చేసింది. రవి దేశం విడిచి వెళ్లొద్దని, తన పాస్‌పోర్టులను కోర్టులో సరెండర్‌ చేయాలని ఆదేశించింది. ప్రతిరోజూ సీసీఎస్‌ పోలీసుల ఎదుట హాజరుకావాలని స్పష్టంచేసింది. ఇంటర్నెట్‌ వినియోగించుకోవాలంటే అనుమతి తప్పనిసరి చేసింది. అనుమతి లేకుండా కాపీరైట్‌ కంటెంట్‌ అప్‌లోడ్‌, షేర్‌చేసే వెబ్‌సైట్లు, సోషల్‌మీడియా ప్లాట్‌ఫామ్‌లతో సంబంధం ఉండొద్దని, వీపీఎన్‌, ప్రాక్సీ వంటి ఎన్‌క్రిప్టెడ్‌ ప్లాట్‌ఫామ్‌లు వాడొద్దని షరతులు పెట్టింది.