మహిళలదే హవా!

దేశీ కార్పొరేట్‌ వ్యవస్థలో నాయకత్వ హోదాల్లో మహిళల శాతం పెరుగుతోంది. కానీ బోర్డు చైర్‌పర్సన్లుగా నియమితులవుతున్న మహిళల శాతం తక్కువగా ఉంటోంది. డెలాయిట్‌ గ్లోబల్‌ విడుదల చేసిన తాజా నివేదిక వివరాలు...

• డైరెక్టర్లు 17%, చైర్మన్లు 3.6%
• కార్పొరేట్‌ బోర్డుల్లో పెరుగుతున్న సంఖ్య

న్యూఢిల్లీ, ఫిబ్రవరి 8: దేశీ కార్పొరేట్‌ వ్యవస్థలో నాయకత్వ హోదాల్లో మహిళల శాతం పెరుగుతోంది. కానీ బోర్డు చైర్‌పర్సన్లుగా నియమితులవుతున్న మహిళల శాతం తక్కువగా ఉంటోంది. డెలాయిట్‌ గ్లోబల్‌ విడుదల చేసిన తాజా నివేదిక వివరాలు…

• ప్రతీ కంపెనీ బోర్డులోనూ ఒక మహిళ నియామకాన్ని తప్పనిసరిచేస్తూ 2013 కంపెనీల చట్టాన్ని సవరించింది. ఈ నేపథ్యంలో 2014లో 9.4 శాతంగా ఉన్న మహిళా డైరెక్టర్ల శాతం 2021లో 17.1 శాతాన్ని మించింది.
• కానీ 3.6 శాతం మంది మహిళలు మాత్రమే చైర్‌పర్సన్లుగా వ్యవహరిస్తున్నారు. ఈ సంఖ్య 2018 తర్వాత 0.9 శాతం మేర తగ్గింది.
• అంతర్జాతీయంగా బోర్డు స్థానాల్లో 19.7 శాతం మంది మహిళలు ఉన్నారు.
• ఆస్ట్రియా, కెనడా, ఐర్లాండ్‌, ఇటలీ, పోలాండ్‌, పోర్చుగల్‌, స్పెయిన్‌, యూకే, యూఎస్‌ల్లో కార్పొరేట్‌ బోర్డుల్లో మహిళల సంఖ్య పెరిగింది.
• ప్రపంచం మొత్తం మీద మహిళా సీఈవోల శాతం 4.7కు పెరిగింది. 2018లో ఇది 3.4 శాతమే.
• మహిళా సీఈవోలు ఉన్న బోర్డుల్లో మహిళా డైరెక్టర్ల సంఖ్య కూడా అధికంగానే ఉన్నది.
• పురుషులు సీఈవోలుగా ఉన్న కంపెనీల బోర్డ్‌ల్లో 19.4 శాతం మహిళా డైరెక్టర్లు ఉండగా, మహిళా సీఈవోలు నేతృత్వం వహిస్తున్న బోర్డుల్లో వీరి సంఖ్య 30.8శాతం.