WhatsApp | వాట్సాప్‌లో కుప్పలు తెప్పలుగా మెసేజ్‌లు వస్తున్నాయా..? మీ కోసమే స్పెషల్‌ ఫీచర్‌ తెస్తున్న మెటా కంపెనీ..!

WhatsApp | వాట్సాప్‌ యూజర్లకు మెటా కంపెనీ గుడ్‌న్యూస్‌ చెప్పింది. ప్రపంచవ్యాప్తంగా ఉన్న కోట్లాది మంది యూజర్ల కోసం ఎప్పటికప్పుడు సరికొత్త ఫీచర్స్‌ను పరిచయం చేస్తుంటుంది. వాట్సాప్‌లో కుప్పలు తెప్పలు సందేశాలు వస్తుంటాయి. వాటన్నింటిని చదవడం ఇబ్బందికరంగా మారుతున్నది.

WhatsApp | వాట్సాప్‌ యూజర్లకు మెటా కంపెనీ గుడ్‌న్యూస్‌ చెప్పింది. ప్రపంచవ్యాప్తంగా ఉన్న కోట్లాది మంది యూజర్ల కోసం ఎప్పటికప్పుడు సరికొత్త ఫీచర్స్‌ను పరిచయం చేస్తుంటుంది. వాట్సాప్‌లో కుప్పలు తెప్పలు సందేశాలు వస్తుంటాయి. వాటన్నింటిని చదవడం ఇబ్బందికరంగా మారుతున్నది. ఈ క్రమంలోనే సరికొత్తగా వాట్సాప్‌కు ‘క్విక్‌ రీక్యాప్‌’ పేరుతో కొత్త ఏఐ ఎనేబుల్డ్‌ ఫీచర్‌ను జోడించబోతున్నది. దాంతో యూజర్లలు చదవలేని మల్టిపుల్‌ మెస్సేజెస్‌ ముఖ్యాంశాలను తెలుసుకునే అవకాశం ఉంటుంది. అంటే ఒక్కో మెసేజ్‌ను చదవాల్సిన అవసరం లేకుండా అన్నింటిని కలిపి ముఖ్యాంశాలను అందిస్తుంది. ప్రస్తుతం ఈ ఫీచర్‌ వాట్సాప్ ఆండ్రాయిడ్ బీటా వెర్షన్ 2.25.21.12లో బీటా టెస్టర్లకు అందుబాటులో ఉందని వాట్సాప్‌ ట్రాకర్‌ వాబీఇన్ఫో (WABetaInfo) తెలిపింది.

క్విక్ రీక్యాప్ ఫీచర్ అంటే ?

వాట్సాప్‌ చాలాకాలంగా వాట్సాప్‌కు దూరంగా ఉన్న.. మల్టిపుల్‌ చాట్స్‌లో వచ్చిన అన్‌రీడ్‌ మెస్సేజెస్‌ను చదవాల్సిన యూజర్లకు ఈ ఫీచర్‌ ప్రత్యేకంగా చాలా ఉపయోగకరంగా ఉండనున్నది. ఇది వాట్సాప్‌లో ఇప్పటికే ఉన్న ‘మెస్సేజెస్‌ సమరీస్‌’ ఫీచర్‌పై ఆధారపడి ఉంటుంది. ప్రస్తుతం యూఎస్‌లో చాట్‌ సారంశాన్ని చూపించే ఫీచర్‌ అందుబాటులో ఉంది. కానీ, క్విక్‌ రీక్యాప్‌ ఫీచర్‌ దాని కంటే చాలా అడ్వాన్స్‌డ్‌గా ఉంటుంది. వినియోగదారులు ఒకేసారి ఐదు చాట్‌లను ఎంచుకొని ఏఐ ద్వారా ప్రతి చాట్‌ సంక్షిప్త సమాచారాన్ని పొందే అవకాశం ఉంటుంది. వాటి మెస్సేజ్‌ థ్రెడ్‌ల ద్వారా మళ్లీ మళ్లీ స్క్రోల్‌ చేయకుండా ఉంటుంది.

ఈ ఫీచర్‌ను ఎలా ఉపయోగించాలి?

WABetaInfo షేర్ చేసిన స్క్రీన్‌షాట్ ప్రకారం, యూజర్లు ‘చాట్స్’ ట్యాబ్‌లోకి వెళ్లి ఒక్కటి కాదు.. ఒకేసారి ఎన్నో చాట్స్‌ను సెలెక్ట్ చేయొచ్చు. ఎగువ కుడి వైపున పైభాగంలో ఉన్న త్రీ-డాట్ మెనూను టాప్ రైట్‌లో టాప్ చేస్తే.. అక్కడ ‘Quick Recap’ అనే ఆప్షన్ కనిపిస్తుంది. దాన్ని సెలెక్ట్ చేస్తే, మెటా రూపొందించిన AI unread మెసేజెస్‌ను విశ్లేషించి, ప్రతి చాట్‌కి చిన్న సమరీని చూపిస్తుంది. ఇలానే యూజర్లకు మెసేజ్ కంటెంట్ త్వరగా అర్థమయ్యేలా చేసి.. అవసరమైన సమాచారం త్వరగా అందించడమే ఈ ఫీచర్‌ ఉద్దేశ్యం.

సెక్యూరిటీ..

ఈ ఫీచర్ మెటా ‘ప్రైవేట్ ప్రాసెసింగ్’ టెక్నాలజీ ఆధారంగా పని చేస్తుంది. యూజర్ల ప్రైవసీ పూర్తిగా రక్షణ ఉంటుందని నివేదిక పేర్కొంది. ఎండ్-టు-ఎండ్ ఎన్‌క్రిప్షన్‌, సెక్యూర్ ఎంక్లేవ్, ఐసోలేటెడ్ కంప్యూటేషన్ వంటి టెక్నాలజీలతో మెసేజెస్‌ పూర్తిగా సురక్షితంగా ఉండేలా చూసుకుంటారు. అంటే మీ ఒరిజినల్ మెసేజ్ కానీ, AI రూపొందించిన సమరీ కానీ ఏ పరిస్థితుల్లోనూ మెటా, వాట్సాప్ వాటిని చూడలేవు. ఇది యూజర్ల గోప్యత కోసం తీసుకున్న ప్రధాన జాగ్రత్తల్లో ఒకటి. కొత్త ఫీచర్ పూర్తిగా ఆప్షనల్‌ మాత్రమే డిఫాల్ట్‌గా ఉండదు. సెట్టింగ్స్‌లోకి వెళ్లి యూజర్లు మాన్యువల్‌గానే ఎనేబుల్‌ చేసుకోవాల్సి ఉంటుంది. దాంతో పాటు ‘అడ్వాన్స్‌డ్ చాట్ ప్రైవసీ’ సెట్టింగ్ వర్తించే చాట్‌లను ఈ ఫీచర్ ఆటోమేటిక్‌గా మినహాయిస్తుంది. అంటే ప్రైవసీ ఎక్కువగా అవసరమైన చాట్స్‌పై ఈ ఫీచర్ పనిచేయదు. యూజర్ల కంట్రోల్, గోప్యత, సెక్యూరిటీ అన్నింటినీ దృష్టిలో పెట్టుకుని ఈ ఫీచర్ రూపొందించినట్లుగా తెలుస్తున్నది.