హైదరాబాద్‌ టూ ఫుకెట్‌కు డైరెక్ట్‌ ఫ్లైట్‌

హైదరాబాద్‌ నుంచి థాయ్‌లాండ్‌లోని ఫుకెట్‌ నగరానికి విమాన సర్వీస్‌ ప్రారంభమైంది. శంషాబాద్‌ అంతర్జాతీయ విమానాశ్రయం నుంచి తొలి విమానం శుక్రవారం టేకాఫ్‌ అయినట్టు జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్ట్‌ లిమిటెడ్‌ సీఈవో ప్రదీప్‌ తెలిపారు.

హైదరాబాద్‌ సిటీబ్యూరో, జనవరి 31 (నమస్తే తెలంగాణ) : హైదరాబాద్‌ నుంచి థాయ్‌లాండ్‌లోని ఫుకెట్‌ నగరానికి విమాన సర్వీస్‌ ప్రారంభమైంది. శంషాబాద్‌ అంతర్జాతీయ విమానాశ్రయం నుంచి తొలి విమానం శుక్రవారం టేకాఫ్‌ అయినట్టు జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్ట్‌ లిమిటెడ్‌ సీఈవో ప్రదీప్‌ తెలిపారు. కొత్త సర్వీస్‌తో ఫుకెట్‌-హైదరాబాద్‌ మధ్య కనెక్టివిటీ ఘననీయంగా పెరుగుతుందని తెలిపారు. ఈ విమానం 3:45 గంటల్లో గమ్యాన్ని చేరుకుంటుందని పేర్కొన్నారు. ప్రస్తుతం ప్రతి బుధ, శుక్ర, ఆదివారాల్లో ఎయిర్‌ ఇండియా ఎక్స్‌ప్రెస్‌ విమానం మూడు సర్వీసులను నడుపుతుందని తెలిపారు.