ఏప్రిల్‌లో 17.5 లక్షల ఏసీల అమ్మకాలు

ఎండల తీవ్రత నేపథ్యంలో గత నెల ఏసీల అమ్మకాలు రికార్డు స్థాయిలో నమోదయ్యాయి. ఏప్రిల్‌లో దేశవ్యాప్తంగా మునుపెన్నడూలేనివిధంగా 17.5 లక్షల యూనిట్ల విక్రయాలు జరిగాయని మంగళవారం కన్జ్యూమర్‌ ఎలక్ట్రానిక్స్‌ అండ్‌ అప్లియెన్సెస్‌ మాన్యుఫ్యాక్చర్స్‌ అసోసియేషన్‌ తెలియజేసింది.

న్యూఢిల్లీ, మే 3: ఎండల తీవ్రత నేపథ్యంలో గత నెల ఏసీల అమ్మకాలు రికార్డు స్థాయిలో నమోదయ్యాయి. ఏప్రిల్‌లో దేశవ్యాప్తంగా మునుపెన్నడూలేనివిధంగా 17.5 లక్షల యూనిట్ల విక్రయాలు జరిగాయని మంగళవారం కన్జ్యూమర్‌ ఎలక్ట్రానిక్స్‌ అండ్‌ అప్లియెన్సెస్‌ మాన్యుఫ్యాక్చర్స్‌ అసోసియేషన్‌ తెలియజేసింది.

దీంతో ఈ ఏడాది 90 లక్షల రెసిడెన్షియల్‌ ఎయిర్‌ కండీషనర్ల అమ్మకాలు నమోదు కావచ్చని అంచనా వేసింది. ఏసీల విక్రయాలు 2019 ఏప్రిల్‌తో పోల్చితే 30-35 శాతం, 2021 ఏప్రిల్‌తో చూస్తే రెండింతలైనట్టు పేర్కొన్నది.