‘సిటీ’ క్రెడిట్ కార్డుపై ‘ఎస్బీఐ’ క‌న్ను

‘సిటీ’ క్రెడిట్ కార్డుపై ‘ఎస్బీఐ’ } సిటీ బ్యాంక్ ఆధ్వ‌ర్యంలోనే క్రెడిట్ కార్డు బిజినెస్‌పై కేంద్ర ప్ర‌భుత్వ రంగ వాణిజ్య సంస్థ భార‌తీయ స్టేట్ బ్యాంక్...

April 17, 2021 / 06:25 PM IST

‘సిటీ’ క్రెడిట్ కార్డుపై ‘ఎస్బీఐ’ క‌న్ను

ముంబై: సిటీ బ్యాంక్ ఆధ్వ‌ర్యంలోనే క్రెడిట్ కార్డు బిజినెస్‌పై కేంద్ర ప్ర‌భుత్వ రంగ వాణిజ్య సంస్థ భార‌తీయ స్టేట్ బ్యాంక్ (ఎస్బీఐ), ఇత‌ర ప్రైవేట్ బ్యాంకులు క‌న్నేశాయి. భార‌త్ మార్కెట్ నుంచి వైదొల‌గాల‌ని సిటీ గ్రూప్ గురువారం నిర్ణ‌యం తీసుకున్న సంగ‌తి తెలిసిందే.

సిటీ బ్యాంక్ నిష్క్ర‌మ‌ణతో దేశంలోని క్రెడిట్ కార్డుల మార్కెట్‌లో విస్త‌రించ‌డానికి ఎస్బీఐతో స‌హా ప‌లు బ్యాంకుల‌కు చ‌క్క‌ని అవ‌కాశం ల‌భించింది. సిటీ క్రెడిట్ కార్డుల బిజినెస్‌ను టేకోవ‌ర్ చేస్తుంద‌న్న అంచ‌నాల మ‌ధ్య శుక్ర‌వారం ఎస్బీఐ అనుబంధ సంస్థ ఎస్బీఐ కార్డ్ షేర్ 7.5 శాతం పెరుగ‌డం గ‌మ‌నార్హం.

ఒక‌వైపు భార‌తీయ రిజ‌ర్వు బ్యాంక్ (ఆర్బీఐ) ఆంక్ష‌ల‌ను అమ‌లు చేస్తూనే క్రెడిట్ కార్డుల బిజినెస్‌లో అతిపెద్ద సంస్థ‌గా హెచ్డీఎఫ్సీ బ్యాంకుకు పేరుంద‌ని ఆ సంస్థ వ‌ర్గాల స‌మాచారం. ప్ర‌త్య‌ర్థుల బిజినెస్ క్ర‌మంగా నెమ్మ‌దించ‌డంతో ఎస్బీఐ దూసుకెళ్లింది. ఇదే ఇప్పుడు సిటీ క్రెడిట్ కార్డు బిజినెస్‌ను టేకోవ‌ర్ చేయ‌డానికి సానుకూలంగా మారింద‌న్న అభిప్రాయం ఉంది.

సిటీ బ్యాంకు వివిధ విభాగాల‌ను విడివిడిగా విక్ర‌యించ‌నున్న‌ద‌ని మాక్‌క్వైర్ క్యాపిట‌ల్ రీసెర్చ్ అన‌లిస్ట్ సురేశ్ గ‌ణ‌ప‌తి తెలిపారు. ఈ నేప‌థ్యంలో ప‌లు బ్యాంకులు.. సిటీ క్రెడిట్ కార్డుల బిజినెస్ ప‌ట్ల ఆస‌క్తి చూపుతున్నాయి.ర‌త్నాక‌ర్ బ్యాంక్ లిమిటెడ్ (ఆర్బీఎల్‌), ఐడీఎఫ్సీ ఫ‌స్ట్ బ్యాంక్ వంటి చిన్న బ్యాంకులు కూడా సిటీ బ్యాంక్ క్రెడిట్ కార్డుల బిజినెస్‌ను టేకోవ‌ర్ చేసేందుకు అవ‌స‌ర‌మైన బిడ్ల‌ను దాఖ‌లు చేయ‌డానికి సిద్ధంగా ఉన్నాయి.

ఒక‌ప్పుడు క్రెడిట్ కార్డుల బిజినెస్‌లో లీడ‌ర్‌గా ఎదిగిన సిటీ బ్యాంక్‌.. ఏండ్లు గ‌డుస్తున్నా కొద్దీ త‌న వాటాను కోల్పోయింది. రిటైల్ బిజినెస్ నుంచి నిష్క్ర‌మ‌ణ ప్ర‌క‌ట‌న చేయ‌డానికి ముందు కూడా సిటీ బ్యాంక్ త‌న శాఖ‌ల్లో బిజినెస్‌ను త‌గ్గించేసింది. క్రెడిట్ కార్డుల స్వాధీనం, ఇత‌ర సంస్థ‌ల‌తో భాగ‌స్వామ్యంపై ఫోకస్ చేసింది.

దేశీయ క్రెడిట్ కార్డుల బిజినెస్‌లో సిటీ బ్యాంక్ ఆరో స్థానంలో ఉంది. మొద‌టి స్థానంలో ఉన్న హెచ్డీఎఫ్సీకి 15.3 మిలియ‌న్ల ఖాతాదారులు, రెండో స్థానంలోని ఎస్బీఐకి 11.6 మిలియ‌న్ల ఖాతాదారులు ఉన్నారు. ఐసీఐసీఐకి 10.2 మిలియ‌న్లు, యాక్సిస్ బ్యాంక్‌కు 69 ల‌క్ష‌ల మంది, ఆర్బీఎల్‌కు 29 ల‌క్ష‌ల మంది ఖాతాదారులు ఉన్నారు. త‌ర్వాత ఆరో స్థానంలో ఉన్న సిటీ బ్యాంకులో 27 ల‌క్ష‌ల మంది, ఏడో స్థానంలోని కొట‌క్‌లో 24 ల‌క్ష‌ల మంది, అమెక్స్‌లో 16 ల‌క్ష‌ల మంది క‌స్ట‌మ‌ర్లు ఉన్నారు.

అయితే, భారీ సంఖ్య‌లో హైనెట్‌వ‌ర్త్ క‌స్ట‌మ‌ర్లు క‌లిగి ఉండ‌టంతో సిటీ బ్యాంక్ క్రెడిట్ కార్డు పోర్ట్‌ఫోలియో హై క్వాలిటీ పోర్ట్‌ఫోలియోగా నిలిచింది. క్రెడిట్ కార్డుల ఇండ‌స్ట్రీలోనే స‌గ‌టున సిటీ క్రెడిట్ కార్డు గ‌ణ‌నీయంగా వాడుతున్నారు. మొత్తం క్రెడిట్ కార్డు మార్కెట్‌లో ఎస్బీఐ వాటా 20 శాతం ఉంది. దీని విలువ రూ.90వేల కోట్ల పై చిలుకే. సిటీ క్రెడిట్ కార్డుల విలువ క‌నీసం రూ.22 వేల కోట్లు ఉంటుంది.

ఇటీవ‌లే క్రెడిట్ కార్డుల కంపెనీల గుర్తింపు నిబంధ‌న‌ల‌ను ఆర్బీఐ స‌వ‌రించింది. క్రెడిట్ కార్డుల బిల్లు వ‌సూళ్ల‌కు బ్రాంచ్ నెట్‌వ‌ర్క్ అవ‌స‌రం అని బ్యాంక‌ర్లు చెబుతున్నారు. ఈ నేప‌థ్యంలో ఎస్బీఐతోపాటు దేశీయ ప్రైవేట్ బ్యాంకర్లు, విదేశీ బ్యాంకులు.. సిటీ బ్యాంక్ క్రెడిట్ కార్డు వ్య‌వ‌స్థ‌ను టేకోవ‌ర్ చేయ‌డానికి ప్ర‌య‌త్నించే అవ‌కాశాలు ఉన్నాయి. ఇటీవ‌లే ల‌క్ష్మీ విలాస్ బ్యాంక్ (ఎల్వీబీ)ని డీబీఎస్ టేకోవ‌ర్ చేసింది. ఇక హెచ్ఎస్‌బీసీ, స్టాన్‌చార్ట్ బ్యాంకులు సిటీ క్రెడిట్ కార్డు బిజినెస్ బ‌రిలో నిలువొచ్చు.