Lip care | చలికాలంలో పెదవులు పగులుతున్నాయా? ఈ టిప్స్‌ పాటించండి

lip care | చలికాలంలో కామన్‌గా కనిపించే సమస్య పెదవులు ఎండిపోవడం. ఎండిపోయి పగలడం. ఇలాంటి సమయంలో ఇంట్లో దొరికే ఈ వస్తువులతో మళ్లీ పెదవులు అందంగా కనిపించేలా చేయొచ్చు. ఆ చిట్కాలు ఏంటో ఇప్పుడు చూద్దాం..

lip care | చలికాలంలో కామన్‌గా కనిపించే సమస్య పెదవులు ఎండిపోవడం. ఎండిపోయి పగలడం. చలి కారణంగా పెదవులపై తేమ లేకపోవడంతో అవి నిర్జీవంగా మారుతుంటాయి. ఇలాంటి సమయంలో ఇంట్లో దొరికే ఈ వస్తువులతో మళ్లీ పెదవులు అందంగా కనిపించేలా చేయొచ్చు. మరి ఆ చిట్కాలు ఏంటో ఇప్పుడు చూద్దాం..

♦ తేనెతో కాస్త వ్యాస్లిన్ కలిపిన మిశ్రమాన్ని రోజువారీగా రాసుకుంటే పెదవులు గులాబీల్లా మెరుస్తాయి. రోజూ రాత్రి పడుకునే ముందు తేనెతో పెదవులపై మర్దన చేస్తే పెదవులు తేమను కోల్పోకుండా ఉంటాయి.

♦ చలికాలం ఎక్కువగా దాహం వేయదు. కానీ ఎప్పటిలాగే శరీరానికి కావాల్సినంత నీటిని తప్పకుండా తాగాలి. దాహం వేసినా వేయకపోయినా ప్రతి గంటకు ఓ గ్లాసు నీరు తాగడం మంచిది.

♦ చలికాలంలో పెదాలకు అలోవెరా ఆయిల్, ఆలివ్ ఆయిల్స్‌ను రాసినా మంచి ఫలితం ఉంటుంది. రోజూ రాత్రి పడుకునే ముందు అలోవెరా ఆయిల్ లేదా ఆలివ్ ఆయిల్‌ను పెదాలకు రాసి పడుకోవాలి. ఉదయం వరకు పెదాలకు కావాల్సిన తేమ అందుతుంది.

♦ మిల్క్ క్రీమ్స్ వాడితే పెదవుల పగుళ్లను నివారించవచ్చు. నెయ్యిని రోజూ రాత్రి పడుకునే ముందు పెదవులకు రాయాలి. కొబ్బరి నూనెను కూడా స్నానానికి ముందు వాడితే మంచి ఫలితం ఉంటుంది. ఈ చిట్కాను చలికాలం మొత్తం పాటించవచ్చు.

♦ లిప్‌బామ్‌ను పెదాలకు రాసి కొంతసేపయ్యాక టూత్‌బ్రష్‌తో పెదాలపై సున్నితంగా బ్రష్ చేయాలి. అనంతరం ఒక శుభ్రమైన గుడ్డను వేడి నీటిలో ముంచి పెదాలను తుడవాలి. మళ్లీ కొంత సమయానికి మళ్లీ ఇలాగే చేయాలి. ఇలా చేయడం వల్ల పెదవులు మృదువుగా మారుతాయి.

♦  కొన్ని దానిమ్మ గింజలను తీసుకొని వాటి నుంచి జ్యూస్ తీయాలి. ఆ జ్యూస్‌ను ఫ్రిజ్‌లో నిల్వ చేసుకోవాలి. రోజూ కొద్ది మొత్తంలో ఆ జ్యూస్‌ను తీసుకొని అందులో కాటన్ బాల్స్ ముంచి వాటితో పెదాలపై సున్నితంగా మర్దన చేయాలి.

Read More :

“Wrinkles | చ‌ర్మంపై ముడ‌త‌లు త‌గ్గాలా? నిమ్మ‌కాయ‌తో ఇలా చేస్తే స‌రి!!”