Beauty Tips | అంద‌మైన పెద‌వుల కోసం ఈ టిప్స్ ఫాలో అవ్వండి

Beauty Tips | మహిళలకు మరింత అందాన్ని తీసుకువచ్చేవి పెదవులు ( Lips ). మరి నల్లగా, పొడిబారినట్లుగా, పగిలినట్లుగా ఉండడం వల్ల ఇబ్బంది పడుతుంటారు. పెదవులు అందంగా ఉండడానికి ఈ కింది చిట్కాలు పాటించండి.

♥ తేనెలో కొంచెం పంచదారను కలుపాలి. ఈ మిశ్రమాన్ని పెదవులకు అప్లై చేయాలి. 20 నిమిషాల తర్వాత శుభ్రం చేసుకుంటే పెదవులపై ఉన్న మురికి తొలిగిపోతుంది.

♥  ఆలూ ముక్కల్ని పెదవులపై రుద్దాలి. 10 నిమిషాలపాటు మర్దన చేయాలి. దీంతో పెదవులు మెత్తబడడంతోపాటు నల్లని పెదవులు గులాబీ రంగులోకి మారుతాయి.

♥  కలబంద నుంచి గుజ్జును వేరుచేయాలి. దీన్ని పెదవులకు అప్లై చేయాలి. ఇలా చేయడం వల్ల పెదవులు పొడిబారడాన్ని తగ్గిస్తుంది.

♥  టమాటా, పెరుగును బాగా కలుపాలి. ఈ మిశ్రమాన్ని పెదవులకు రాయాలి. దీనితో 5 నిమిషాల పాటు మర్దన చేయాలి. ప్రతిరోజూ ఇలా చేయడం వల్ల పెదవులు అందంగా, ప్రకాశవంతంగా కనిపిస్తాయి.

♥  కుంకుమపువ్వు, పెరుగును బాగా కలుపాలి. దీన్ని నేరుగా పెదాలకు రాసుకోవాలి. ఇలా తరచూ చేయడం వల్ల పెదవులు మృదువుగా, తేమగా ఉంటాయి.

♥  గులాబీ రేకులని పాలలో వేసి పేస్ట్‌లా చేయాలి. ఈ మిశ్రమాన్ని పెదవులకు మృదువుగా అప్లై చేయాలి. ఇలా చేయడం వల్ల పెదవులకు సహజమైన రంగు పొందవచ్చు.

♥  ప్రతిరోజూ పడుకునే ముందు ఆలివ్‌ ఆయిల్‌తో పెదాలపై మసాజ్‌ చేసుకోవాలి. ఉదయాన్నే వాష్‌ చేసుకోవాలి. ఇలా చేయడం వల్ల పెదవులు ఆకర్షణీయంగా ఉంటాయి.