Sensational Decision | వైఎస్‌ జగన్‌ సంచలన నిర్ణయం.. ఓటు వేయకుండానే వెనుతిరిగిన మాజీ సీఎం

Sensational Decision | వైసీపీ అధ్యక్షుడు, మాజీ సీఎం వైఎస్‌ జగన్‌ మోహన్‌రెడ్డి ( YS Jagan Mohanreddy ) సంచలన నిర్ణయం తీసుకున్నారు. పట్టణ పురపాలక ఎన్నికల్లో ఓటు వేయకుండానే తిరిగి వెళ్లిపోయారు.

అమరావతి : వైసీపీ అధ్యక్షుడు, మాజీ సీఎం వైఎస్‌ జగన్‌ మోహన్‌రెడ్డి ( YS Jagan Mohanreddy ) సంచలన నిర్ణయం ( Sensational Decision ) తీసుకున్నారు. పట్టణ పురపాలక ఎన్నికల్లో ఓటు ( Vote ) వేయకుండానే తిరిగి వెళ్లిపోయారు.

ఎన్నికల్లో ఓటు హక్కును వినియోగించుకునేందుకు తాడేపల్లి నుంచి శనివారం సాయంత్రం పులివెందుల ( Pulivendula ) కు చేరుకున్న జగన్‌కు ప్రభుత్వం అడుగడుగునా ఆటంకాలు కల్పించింది. ఆదివారం పోలింగ్‌ సందర్భంగా ఓటు హక్కును వినియోగించుకునేందుకు రాగా పులివెందులలో ఎన్నికల పోలింగ్‌ కేంద్రాల్లో కూర్చొనివ్వకుండా అడ్డుకున్నారని వైసీపీ ఏజెంట్లు జగన్‌ దృష్టికి తీసుకెళ్లారు.

పులివెందుల పరిధిలోని 80 పోలింగ్‌ కేంద్రాల్లో 70 చోట్ల వైసీపీ ఏజెంట్లు లేరని ఆరోపించారు. దీంతో వైఎస్‌ జగన్‌ రిటర్నింగ్‌ అధికారి కార్యాలయానికి వెళ్లగా అతడిని కార్యాలయంలోకి రాకుండా బయటే అడ్డుకున్నారు. అనంతరం అధికారులే బయటకు రావడంతో వారితో జగన్‌ మాట్లాడారు. ఎన్నికలు ప్రజాస్వామ్యబద్దంగా నిర్వహించాలని, తమ ఏజెంట్లను అడ్డుకున్న వారిపై చట్టరిత్యా ఎలాంటి చర్యలు తీసుకుంటున్నారో చెప్పాలని డిమాండ్‌ చేస్తూ తన అనుచరులతో కలసి దాదాపు గంటకుపైగా ఆర్వో కార్యాలయం బయట బైటాయించి నిరసన తెలిపారు.

అనంతరం తన నివాసానికి వెళ్లిపోయారు. మధ్యాహ్నం 2 గంటలకు ఓటు హక్కు వినియో గించుకుంటారని అందరూ భావించారు. పులివెందులలో ఎన్నికల తీరును నిరసిస్తూ ఓటు హక్కు వినియోగాన్ని రద్దు చేసుకున్నారు. పులివెందులలో రీపోలింగ్‌ నిర్వహించినప్పుడే తాను వచ్చి ఓటు హక్కును వినియోగించుకుంటానని మీడియాకు వివరించారు.