భారత ఉపరాష్ట్రపతికి స్వాగతం పలికిన ఏపీ గవర్నర్​

Vice-president|భారత ఉపరాష్ట్రపతి వెంకయ్యనాయుడు తన రెండు రోజుల పర్యటనలో భాగంగా విజయవాడలో గన్నవరం ఎయిర్ పోర్టుకు చేరుకున్నారు.

అమరావతి : భారత ఉపరాష్ట్రపతి వెంకయ్యనాయుడు తన రెండు రోజుల పర్యటనలో భాగంగా విజయవాడలో గన్నవరం ఎయిర్ పోర్టుకు చేరుకున్నారు. ఈ సందర్భంగా ఏపీ గవర్నర్‌ బిశ్వభూషణ్‌ హరిచందన్‌ ఆయనకు పుష్పగుచ్ఛం అందజేసి స్వాగతం పలికారు. అనంతరం రోడ్డు మార్గంలో ఆత్కూరులోని స్వర్ణభారత్ ట్రస్ట్​కు చేరుకోనున్నారు. జాతీయకవి దామరాజు ‘పుండరీకాక్షుడు’ అనే పుస్తకాన్ని వెంకయ్య ఆవిష్కరించనున్నారు.

సాయంత్రం ఐదు గంటలకు విజయవాడ మారిస్ స్టెల్లా కళాశాల వజ్రోత్సవంలో పాల్గొంటారని అధికారులు తెలిపారు. రేపు ఉదయం ఉప రాష్ట్రపతి ప్రత్యేక విమానంలో ఢిల్లీ వెళ్లనున్నారు.