AP Elections | ఏపీలో ముగిసిన ఎంపీటీసీ, జడ్పీటీసీ ఎన్నికల పోలింగ్‌ ..ఎల్లుండి ఫలితాలు

AP Elections | ఆంధ్రప్రదేశ్‌లో గురువారం జరిగిన ఎంపీటీసీ , జడ్పీటీసీ ఎన్నికల పోలింగ్‌ ప్రశాంతంగా ముగిసింది.

అమరావతి : ఆంధ్రప్రదేశ్‌లో గురువారం జరిగిన ఎంపీటీసీ ( MPTC ), జడ్పీటీసీ ( ZPTC ) ఎన్నికల పోలింగ్‌ ప్రశాంతంగా ముగిసింది. ఉదయం 7 గంటల నుంచి సాయంత్రం 5 గంటల వరకు జరిగిన పోలింగ్‌ జరుగగా పోలింగ్‌ ( Polling ) కేంద్రాల వద్ద ఓటు హక్కు కోసం నిలబడ్డ ప్రతి ఒక్కరికి ఓటింగ్‌ అవకాశం ఇస్తామని అధికారులు వెల్లడించారు.

పలు జిల్లాలో చెదురుముదురు ఘటనలు మినహా ఎన్నికలు ప్రశాంతంగా జరిగాయని అధికారులు తెలిపారు.పోలింగ్‌ పూర్తయిన చోట బ్యాలెట్‌ బాక్స్‌ను స్ట్రాంగ్‌రూంలకు తరలిస్తున్నారు. 77 జడ్పీటీసీ, 2,051 ఎంపీటీసీ స్థానాలు ఇప్పటికే ఏకగ్రీవం కాగా 582 జడ్పీటీసీ స్థానాలకు 2,169 మంది , 7,767 ఎంపీటీసీ స్థానాలకు 18,843 మంది అభ్యర్థులు పోటీ పడ్డారు. ఎల్లుండి ఓట్ల లెక్కింపు అనంతరం ఫలితాలను ప్రకటించేందుకు అధికారులు ఏర్పాట్లు పూర్తి చేశారు.