MP Avinash Reddy | సీబీఐ దర్యాప్తుపై స్టే విధించాలి
ఆంధ్రప్రదేశ్‌ మాజీ మంత్రి వైఎస్‌ వివేకానందరెడ్డి హత్య కేసులో సీబీఐ దర్యాప్తును నిలిపివేస్తూ మధ్యంతర ఉత్తర్వులు ఇవ్వాలని కడప ఎంపీ వైఎస్‌ అవినాశ్‌రెడ్డి తెలంగాణ హైకోర్టును కోరారు.
- అరెస్టు నుంచి రక్షణ కల్పించాలి
- వివేకానందరెడ్డి హత్య కేసులో ఎంపీ అవినాశ్‌ రెడ్డి పిటిషన్‌
హైదరాబాద్‌, మార్చి 9 (నమస్తే తెలంగాణ): ఆంధ్రప్రదేశ్‌ మాజీ మంత్రి వైఎస్‌ వివేకానందరెడ్డి హత్య కేసులో సీబీఐ దర్యాప్తును నిలిపివేస్తూ మధ్యంతర ఉత్తర్వులు ఇవ్వాలని కడప ఎంపీ వైఎస్‌ అవినాశ్‌రెడ్డి తెలంగాణ హైకోర్టును కోరారు.
ఈ మేరకు గురువారం అత్యవసర లంచ్‌ మోషన్‌ పిటిషన్‌ను దాఖలు చేశారు. ఈ కేసులో సీబీఐ శుక్రవారం తనను విచారిస్తే సీఆర్‌పీసీ సెక్షన్‌ 161 ప్రకారం ఆ ప్రక్రియను ఆడియో, వీడియో రికార్డింగ్‌ చేసేలా ఆదేశించాలని, అరెస్టు నుంచి తనకు రక్షణ కల్పిస్తూ ఉత్తర్వులు ఇవ్వాలని విజ్ఞప్తి చేశారు. ఈ పిటిషన్‌పై హైకోర్టు న్యాయమూర్తి జస్టిస్‌ కే లక్ష్మణ్‌ శుక్రవారం విచారణ జరుపనున్నారు.
Read Today's Latest Andhrapradesh-news News in Telugu and Telugu News
- Follow Us :
-
