వైసీపీకి ఓటేయకపోతే ప్రజలకు పాపం.. వారిని ఆ దేవుడే చూసుకుంటాడు: బొత్స వ్యాఖ్యలు
చీపురుపల్లి నియోజకవర్గం పార్టీ ప్లీనరీలో విద్యా శాఖ మంత్రి బొత్స సత్యనారాయణ తీవ్ర వ్యాఖ్యలు చేశారు. తమ పార్టీకి ఓటేయాలని అడగడానికి బదులుగా.. తమ పార్టీకి ఓటేయకుంటే ప్రజలకు పాపం అంటుకుంటుందని, అలాంటి వారి సంగతి ఆ దేవుడే...
విజయనగరం: చీపురుపల్లి నియోజకవర్గం పార్టీ ప్లీనరీలో విద్యా శాఖ మంత్రి బొత్స సత్యనారాయణ తీవ్ర వ్యాఖ్యలు చేశారు. తమ పార్టీకి ఓటేయాలని అడగడానికి బదులుగా.. తమ పార్టీకి ఓటేయకుంటే ప్రజలకు పాపం అంటుకుంటుందని, అలాంటి వారి సంగతి ఆ దేవుడే చూసుకుంటాడని చెప్పి ప్రజలను దూషించారు. తాను మంత్రిగా గత ప్రభుత్వాల్లో పనిచేశానని, ఈ ప్రభుత్వం అంత మంచిది చూడలేదని కితాబిచ్చారు.
గ్రామ, మండల స్థాయిలో పార్టీ నేతల మధ్య విభేదాలున్నాయని విద్యాశాఖ మంత్రి బొత్స అంగీకరించారు. ఈ విభేదాలను తొలగించి పార్టీ కోసం సమష్టిగా పని చేయాలని పిలుపునిచ్చారు. వ్యక్తిగత, ఏకపక్ష నిర్ణయాలు తీసుకోవద్దని, ఐక్యంగా ముందుకు సాగాలని కార్యకర్తలకు, స్థానిక నాయకత్వానికి సూచించారు. మన ప్రభుత్వం చేసే మంచి పనులే మనల్ని మరోసారి విజేతగా నిలుపుతాయన్న ధీమాను ఆయన వ్యక్తం చేశారు. తాను గతంలో మూడు ప్రభుత్వాల్లో మంత్రిగా పనిచేశానని, అయితే ఈ ప్రభుత్వమే ది బెస్ట్ అని ప్రశంసించారు.
సంక్షేమ పథకాలు సమృద్ధిగా అందుతున్నందున ప్రజలు వైసీపీ ప్రభుత్వాన్ని ఆదుకోవాలని బొత్స చెప్పారు. 1998 డీఎస్సీ కింద నియమితులయ్యే వారి సామర్థ్యం, నైపుణ్యాలపై విద్యా మంత్రి సందేహాలు లేవనెత్తారు. ఎంపికైన అభ్యర్థుల గురించి, వారి సేవలను ఎలా వినియోగించుకోవాలో ప్రభుత్వం ఆలోచిస్తున్నదని చెప్పారు. ఎవరూ శాశ్వతంగా అధికారంలో ఉండలేరని, విధి, కాలమే ఎవరినైనా నాయకుడిని చేస్తుందని పేర్కొన్నారు. దీనిని దృష్టిలో ఉంచుకుని సహోద్యోగులతో, ప్రజలతో సక్రమంగా ప్రవర్తించాలని బొత్స సూచించారు.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

