Fire accident | వైజాగ్ పోర్టు ట్ర‌స్టులో భారీ అగ్నిప్ర‌మాదం.. మంట‌లు ఆర్పుతున్న ఫైర్ సిబ్బంది..!

Fire accident | విశాఖపట్నం పోర్టు ట్రస్టులో భారీ అగ్నిప్రమాదం సంభ‌వించింది. సీ హార్స్‌ జంక్షన్‌ సమీపంలో ఒక్కసారిగా మంటలు ఎగసిపడటంతో స్థానికులు తీవ్ర భ‌యాందోళనకు గురయ్యారు. జేఎం భక్షి కంపెనీ పరిధిలో నిర్మాణంలో ఉన్న కన్వేయర్ బెల్ట్‌లో మంటలు చెలరేగినట్లు అధికారులు గుర్తించారు. దాంతో పోర్టు ట్ర‌స్టు పరిసర ప్రాంతాల్లో దట్టమైన పొగ వ్యాపించింది.

Fire accident : విశాఖపట్నం పోర్టు ట్రస్టులో భారీ అగ్నిప్రమాదం సంభ‌వించింది. సీ హార్స్‌ జంక్షన్‌ సమీపంలో ఒక్కసారిగా మంటలు ఎగసిపడటంతో స్థానికులు తీవ్ర భ‌యాందోళనకు గురయ్యారు. జేఎం భక్షి కంపెనీ పరిధిలో నిర్మాణంలో ఉన్న కన్వేయర్ బెల్ట్‌లో మంటలు చెలరేగినట్లు అధికారులు గుర్తించారు. దాంతో పోర్టు ట్ర‌స్టు పరిసర ప్రాంతాల్లో దట్టమైన పొగ వ్యాపించింది. స‌మాచారం అందిన వెంట‌నే ఘటనాస్థలికి చేరుకున్న అగ్నిమాపక సిబ్బంది మంటల‌ను అదుపుచేసేందుకు ప్ర‌యత్నిస్తున్నారు.

మధ్యాహ్నం 1:45 గంటల సమయంలో మంట‌లు చెల‌రేగిన‌ట్లు స్థానికులు చెబుతున్నారు. భారీగా మంటలు ఎగసిపడటం, దట్టమైన పొగ వ్యాపించడంతో స్థానికులు భ‌యంతో వ‌ణికిపోయారు. సమాచారం అందిన వెంటనే విశాఖపట్నం పోర్ట్ ట్రస్టు అగ్నిమాపక సిబ్బంది అప్రమత్తమయ్యారు. ఫైర్ ఇంజిన్లతో హుటాహుటిన ఘటనాస్థలికి చేరుకుని మంటలను అదుపు చేస్తున్నారు. అయితే మంట‌లు ఇప్పటివరకు ఇంకా అదుపులోకి రాలేదు. ఘటనకు సంబంధించిన పూర్తి వివరాలు తెలియాల్సి ఉంది.