AP Elections | ఏపీలో చెదురు, ముదురు ఘటనలు మినహా ఎన్నికలు ప్రశాంతం : ఎస్‌ఈవో

AP Elections | ఏపీలో ఆదివారం జరిగిన పట్టణ స్థానిక మున్సిపల్‌ ఎన్నికలు ప్రశాంతంగా ముగిసాయని రాష్ట్ర ఎన్నికల సంఘం ముఖ్య అధికారి అనిల్‌ పునేఠా వెల్లడించారు.

అమరావతి : ఏపీలో ఆదివారం జరిగిన పట్టణ స్థానిక మున్సిపల్‌ ఎన్నికలు ( Elections ) ప్రశాంతంగా ముగిసాయని రాష్ట్ర ఎన్నికల సంఘం ముఖ్య అధికారి అనిల్‌ పునేఠా (SEC Puneta ) వెల్లడించారు. రాష్ట్రవ్యాప్తంగా 13 కార్పొరేషన్లు, 79 మున్సిపాలిటీలు, నగర పంచాయతీల్లో ఉదయం 7 గంటల నుంచి సాయంత్రం 5 గంటల వరకు పోలింగ్‌ జరిగిందని తెలిపారు.

అన్ని జిల్లాల్లో పోలింగ్‌ జరిగిన తీరుపై సమీక్ష నిర్వహించామని వివరించారు. వెబ్‌కాస్టింగ్‌ ద్వారా పోలింగ్‌ సరళిన పరిశీలించామని, జిల్లాల పరిశీలకులతో ఎప్పటికప్పుడు మాట్లాడామని ఆయన అన్నారు. కొన్ని జిల్లాలో చిన్న, చిన్న ఫిర్యాదులు వచ్చాయని పేర్కొన్నారు. ఎన్నికల సంఘం ఎప్పుడే తటస్థంగా ఉంటుందని ఉద్ఘాటించారు.

కలెక్టర్లు పంపిన నివేదికల ఆధారంగా తదుపరి నిర్ణయాలు ఉంటాయని వివరించారు. పులివెందుల ఘటనపై నివేదిక వస్తే చర్యలు తీసుకుంటానని స్పష్టం చేశారు. ఆదారాలు లేకుండా ఎలాంటి చర్యలు తీసుకోలేమని అన్నారు. విజయవాడ 55వ డివిజన్‌లో పోలింగ్‌ సాంకేతిక సమస్యల వల్ల ఆలస్యంగా ప్రారంభం కావడంతో పోలింగ్‌ సమయాన్ని అధికారులు పెంచారు.