Raju Weds Rambai | ‘రాజు వెడ్స్ రాంబాయి’ సినిమాకు ఏడాది.. దర్శక నిర్మాత వేణు ఊడుగుల ఎమోషనల్!
Venu Udugula | తెలుగు సినీ చరిత్రలో వాస్తవ సంఘటనల ఆధారంగా తెరకెక్కి, ప్రేక్షకుల గుండెలను బరువెక్కించిన అద్భుతమైన గ్రామీణ ప్రేమకావ్యం ‘రాజు వెడ్స్ రాంబాయి’ విడుదలై నేటితో (నవంబర్ 21) సరిగ్గా ఏడాది పూర్తి చేసుకుంది.
తెలుగు సినీ చరిత్రలో వాస్తవ సంఘటనల ఆధారంగా తెరకెక్కి, ప్రేక్షకుల గుండెలను బరువెక్కించిన అద్భుతమైన గ్రామీణ ప్రేమకావ్యం ‘రాజు వెడ్స్ రాంబాయి’ విడుదలై నేటితో (నవంబర్ 21) సరిగ్గా ఏడాది పూర్తి చేసుకుంది. అయితే ఈ మైలురాయిని పురస్కరించుకుని, ఈ చిత్రానికి సమర్పకుడిగా, నిర్మాతగా వ్యవహరించిన ప్రముఖ దర్శకుడు వేణు ఊడుగుల సోషల్ మీడియా వేదికగా ఎమెషనల్ అయ్యాడు.
సాధారణంగా ఏ సినిమాకైనా తెరపై కనిపించే ఒక కథ ఉంటుందని, కానీ చాలా అరుదుగా కొన్ని చిత్రాలకు మాత్రమే తెరవెనుక కూడా అంతకుమించిన మరో కథ ఉంటుందని వేణు ఊడుగుల అభిప్రాయపడ్డారు. తన జీవితంలో ‘రాజు వెడ్స్ రాంబాయి’ అలాంటి ఒక ప్రత్యేకమైన అనుభూతి అని ఆయన పేర్కొన్నారు. సరిగ్గా ఏడాది క్రితం థియేటర్లలో అడుగుపెట్టిన ఈ చిత్రం తనకు జీవితాంతం గుర్తుండిపోయే ఎన్నో అనుభవాలను, మధురమైన జ్ఞాపకాలను అందించిందని ఆయన ఎమోషనల్ అయ్యారు. ఈ అద్భుతమైన ప్రయాణం సాధ్యం కావడానికి ప్రధాన కారణమైన ఈటీవీ విన్ (ETV Win) సంస్థకు, అలాగే ఈ సినిమా కోసం అహర్నిశలు శ్రమించిన నటీనటులు, సాంకేతిక నిపుణులు, చిత్రబృందంలోని ప్రతి ఒక్కరికీ ఆయన పేరుపేరునా ప్రేమతో కృతజ్ఞతలు తెలియజేశారు.
దర్శకుడు సాయిలు కంపాటి తన తొలి ప్రయత్నంలోనే అత్యంత సహజంగా ఈ చిత్రాన్ని తీర్చిదిద్దిన విధానం విమర్శకుల ప్రశంసలు అందుకుంది. 2010 నాటి వరంగల్-ఖమ్మం సరిహద్దు ప్రాంతాల్లోని ఒక మారుమూల పల్లెటూరి నేపథ్యంలో సాగే ఈ హృదయ విదారక ప్రేమకథలో అఖిల్ రాజ్ ఉద్దెమరి, తేజస్వి రావు, చైతు జొన్నలగడ్డ తమ అద్భుత నటనతో పాత్రలకు ప్రాణం పోశారు. గతేడాది నవంబర్ 21న బన్నీ వాస్ వర్క్స్, వంశీ నందిపాటి ఎంటర్టైన్మెంట్స్ సంస్థల ద్వారా థియేటర్లలో విడుదలైన ఈ చిత్రం బాక్సాఫీస్ వద్ద ఘనవిజయం సాధించడమే కాకుండా, 2025 ఏడాదికి గాను ప్రతిష్టాత్మక ‘గద్దర్ తెలంగాణ ఫిల్మ్ అవార్డ్స్’లో ఉత్తమ చిత్రంగా (Best Feature Film) నిలిచి చరిత్ర సృష్టించింది. థియేటర్లలో విజయవంతంగా ప్రదర్శితమైన అనంతరం ఈటీవీ విన్ ఓటీటీ వేదికగా స్ట్రీమింగ్ అవుతూ డిజిటల్ ప్రేక్షకుల నుండి కూడా విశేష ఆదరణను సొంతం చేసుకుంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Raju Weds Rambai | ‘రాజు వెడ్స్ రాంబాయి’ సినిమాకు ఏడాది.. దర్శక నిర్మాత వేణు ఊడుగుల ఎమోషనల్!
Agri Gold Case | అగ్రిగోల్డ్ బాధితులకు బాండ్ల వెరిఫికేషన్.. షెడ్యూల్ విడుదల చేసిన తెలంగాణ సీఐడీ శాఖ
Sanjay Raut | నాగ్పూర్ పేరును ‘దీక్షాభూమి’గా మార్చండి: సంజయ్ రౌత్
‘9+12 విద్యా విధానంతో డ్రాప్ అవుట్లకు చెక్’
JEE Main | రేపటితో ముగియనున్న జేఈఈ మెయిన్ దరఖాస్తుల గడువు..!
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

