AP News | ఏపీకి భారీగా కొత్త ఐపీఎస్‌లు.. కేడర్‌ స్ట్రెంత్‌ పెంచుతూ కేంద్రం నిర్ణయం

AP News | ఏపీకి భారీగా కొత్త ఐపీఎస్‌లు రాబోతున్నారు. కూటమి ప్రభుత్వం అభ్యర్థన మేరకు స్పందించిన కేంద్రం ఐపీఎస్‌ కేడర్‌ స్ట్రెంత్‌ను పెంచింది. ప్రస్తుతం ఏపీకి 144 మంది ఐపీఎస్‌లు ఉండగా.. వారిని 174కు పెంచింది. ఈ మేరకు కేంద్ర ప్రభుత్వం శనివారం గెజిట్‌ నోటిఫికేషన్‌ విడుదల చేసింది.

AP News | ఏపీకి భారీగా కొత్త ఐపీఎస్‌లు రాబోతున్నారు. కూటమి ప్రభుత్వం అభ్యర్థన మేరకు స్పందించిన కేంద్రం ఐపీఎస్‌ కేడర్‌ స్ట్రెంత్‌ను పెంచుతూ నిర్ణయం తీసుకుంది. ప్రస్తుతం ఏపీకి 144 మంది ఐపీఎస్‌లు ఉండగా.. వారిని 174కు పెంచింది. ఈ మేరకు కేంద్ర ప్రభుత్వం శనివారం గెజిట్‌ నోటిఫికేషన్‌ విడుదల చేసింది. కేంద్ర డిప్యుటేషన్‌ రిజర్వ్‌గా 38 మంది ఐపీఎస్‌లను కేటాయించింది. రాష్ట్రాలకు డిప్యుటేషన్‌ రిజర్వ్‌గా 23 మందిని కేటాయించింది.

రాష్ట్ర విభజన తర్వాత ఏపీకి 144 మంది ఐపీఎస్‌లను కేటాయించారు. కానీ అది రాష్ట్రానికి సరిపోలేదు. పైగా జగన్‌ సీఎంగా ఉన్న టైమ్‌లో 13 జిల్లాలను 26 జిల్లాలుగా విభజించారు. దీంతోపాటు నిఘా వ్యవస్థ విభాగాల్లో, క్రైమ్‌ విభాగాల్లో పోలీసు అధికారుల కొరత తీవ్రంగా మారింది. దీంతో తమకు మరింత మంది ఐపీఎస్‌లను కేటాయించాలని జగన్‌ అప్పట్లో కేంద్రానికి లేఖ కూడా రాశారు. కానీ ఫలితం లేకపోయింది.

కూటమి ప్రభుత్వం ఏర్పడిన తర్వాత సీఎంగా ప్రమాణస్వీకారం చేసిన తర్వాత ఢిల్లీ వెళ్లిన చంద్రబాబు రాష్ట్రంలో ఐపీఎస్‌ల కొరత గురించి కేంద్ర హోంమంత్రి అమిత్‌షా దృష్టికి తీసుకెళ్లారు. కొత్త జిల్లాల ఏర్పాటు తర్వాత నాలుగైదు సంవత్సరాల అనుభవం ఉన్న జూనియర్‌ ఐపీఎస్‌లనే ఎస్పీలుగా నియమించాల్సి వస్తుందని తెలిపారు. దీనివల్ల జిల్లాల్లో శాంతి భద్రతల సమస్యలతో పాటు పలు ఇబ్బందికర పరిస్థితులు ఎదుర్కోవాల్సి వస్తుందని వివరించారు. చంద్రబాబు వినతిపై సానుకూలంగా స్పందించిన కేంద్రం ప్రభుత్వం.. తాజాగా ఐపీఎస్‌ల సంఖ్యను పెంచింది.