KU Faculty Recruitment | కాకతీయ యూనివర్సిటీలో నియామకాలు పూర్తయ్యేనా? 136 ఖాళీలు ఉండగా.. 49 పోస్టులకే గ్రీన్సిగ్నల్!
KU Faculty Recruitment | కాంగ్రెస్ ప్రభుత్వంలో యూని వర్సిటీల్లో సరిపడా బోధించేవారు లేకపోవడంతో విద్య అందని ద్రాక్షలా మారుతున్నది. యూజీసీ నిబంధనలకు విరుద్ధంగా అసిస్టెంట్ ప్రొఫెసర్ల నియామకాలు చేపడుతున్నదనే ఆరోపణలు వెల్లువెత్తుతున్నాయి.
KU Faculty Recruitment | హనుమకొండ చౌరస్తా, అక్టోబర్ 23 : కాంగ్రెస్ ప్రభుత్వంలో యూని వర్సిటీల్లో సరిపడా బోధించేవారు లేకపోవడంతో విద్య అందని ద్రాక్షలా మారుతున్నది. యూజీసీ నిబంధనలకు విరుద్ధంగా అసిస్టెంట్ ప్రొఫెసర్ల నియామకాలు చేపడుతున్నదనే ఆరోపణలు వెల్లువెత్తుతున్నాయి. గతంలో అక్రమంగా నియమించిన వారిని ఆమోదించకపోవడం, మళ్లీ ఇప్పుడు కాంగ్రెస్ అధికారంలోకి రాగానే వారికే పదోన్నతులు కల్పించడంపై విమర్శలు గుప్పుమంటున్నాయి.
రాష్ట్రంలోని 12 యూనివర్సిటీల్లో అసిస్టెంట్ ప్రొఫెసర్ల నియామకాలకు ప్రభుత్వం గ్రీన్ సిగ్నల్ ఇవ్వడంతో ఆశావహుల్లో సంతోషం వెల్లివిరిస్తున్నది.
అయితే, రాష్ట్రంలో అతి పెద్ద రెండో విశ్వవిద్యాలయమై కేయూలో మాత్రం కేవలం 49 మాత్రమే సహాయ ఆచార్యుల పోస్టులు భర్తీ చేయడానికి అనుమతి ఇవ్వడం, కొన్ని విభాగాల్లో ఖాళీగా ఉన్నా ప్రకటించకపోవడం వారిలో ఒకింత నిరాశ కనబడుతున్నది. గతంలో డిసెంబర్ 31, 2010లో మొత్తం 61 పోస్టులకు నోటిఫికేషన్ జారీ చేసి 38 మందినే ఎంపిక చేశారు. ఇందులో ఇప్పుడు 28 మంది పనిచేస్తున్నారు. ఆ తర్వాత 21 డిసెంబర్ 2012లో కేయూ ఇంజినీరింగ్ కాలేజీ కోసం ఐదుగురు అసిస్టెంట్ ప్రొఫెసర్ల నియా మకానికి నోటిఫికేషన్ జారీ చేసి నలు గురిని ఎంపిక చేసి భర్తీ చేశారు. వీరిలో ప్రస్తుతం ఒకరు రిటైర్ అయ్యారు. మిగతా ముగ్గురిలో ఒకరు ఇంగ్లిష్ విభాగంలో, మరో ఇద్దరు ఇంజినీరింగ్ కాలేజీలో పనిచేస్తున్నారు.
గతంలో బీఆర్ఎస్ ప్రభుత్వం వర్సిటీలో నియా మకాల కోసం ఉమ్మడి బోర్డును ప్రవేశపెట్టాలని అసెంబ్లీలో చట్టం చేసి అనుమతి కోసం గవర్న ర్కు, అక్కడి నుంచి రాష్ట్రపతి కార్యాలయానికి పంపారు. ఇప్పటివరకు ఆ బిల్లుపై సందిగ్ధత నెల కొంది. ఇదిలా ఉండగా ప్రస్తుత ప్రభుత్వం ఏకంగా అసిస్టెంట్ ప్రొఫెసర్ల భర్తీ కోసం యూజీసీ నిబంధన లను పక్కనపెట్టి ఏకంగా జీవో నంబర్ 21ని విడు దల చేసింది. యూనివర్సిటీల విద్యార్థి సంఘాలు, పార్ట్ం, ఒప్పంద తదితర అధ్యాపకుల నుంచి నిరసనలు వెల్లువెత్తడంతో దాన్ని పక్కన బెట్టి మళ్లీ జీవో 1 టీ విడుదల చేశారు. దీని మీద పలు సంఘాల నుంచి అభ్యంతరాలు వెలువ డ్డాయి. ఈ జీవో రద్దు చేసి ఒప్పంద అధ్యాపకులను రెగ్యులర్ చేసిన తర్వాతనే కొత్తగా నియామకాలు జరపాలని ఆ సంఘం నిరసన తెలిపింది. జీవో 31 ద్వారా ప్రతిపాదించిన 50 మార్కుల అకడమిక్, పరిశోధన వెయిటేజీని మార్చే విధానం, 1:10 నిష్పత్తిలో అభ్యర్థుల షార్టిస్ట్ తయారు చేయడం, స్క్రూటినీ కమిటీలో నామినీగా రాష్ట్ర ఉన్నత విద్యామండలికి చేర్చడం, అలాగే విశ్వవి ద్యాలయాల చట్టబద్ధమైన నియామక కమిటీ కంటే ముందు మరో వ్యవస్థ ద్వారా అభ్యర్థుల అర్హత, మెరిట్ ను నిర్ణయించడం వంటి అంశాలు చర్చనీయంగా మారాయి. రాష్ట్రస్థాయి స్క్రూటినీ కమి టీ కేవలం ప్రాథమిక పరిశీలన చేసే సంస్థ గానే ఉంటుందా? లేక వాస్తవంగా అభ్యర్థుల ఎంపికను ప్రభావితం చేసే అధికారాన్ని కలిగి ఉంటుందా? అన్నది స్పష్టంగా తెలియాల్సి ఉంది.
నోటిఫికేషన్ రద్దు.. కోర్టు వివాదాలు
కేయూ పాలకమండలి 2012 నోటిఫికేషన్ను రద్దు చేయడం, వాటికి సంబంధించిన మరొక 2010 బ్యాచ్ కేసు న్యాయస్థానంలో పెండింగ్లో ఉన్న పరిస్థితిలో కొత్త నోటిఫికే షన్ జారీ చేయవచ్చా? ఇంజినీరింగ్ కళాశాల ఖాళీలను మినహాయించడానికి కారణం ఏమిటి? 136 ఖాళీల ను 49కు తగ్గించడ మేంటి? రాష్ట్ర ప్రభుత్వం జీవో ద్వారా యూజీసీ నిబంధనలను మార్చగలదా? అన్న ప్రశ్నలకు సరైన సమాధానం లేదు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Health Tips | కూరల్లో వేసే ఈ ఆకు ఆరోగ్యానికి దివ్యౌషధం.. తినేటప్పుడు తీసిపారేయకండి..!
Teen Tigada | ఆకట్టుకుంటున్న ‘టీన్ తిగడా’ వెబ్ సిరీస్ ట్రైలర్.. నవంబర్ 20 నుంచి జీ5లో స్ట్రీమింగ్!
AP News | రేపు తుపానుగా మారనున్న వాయుగుండం.. 20న తీరం దాటే ఛాన్స్..!
Rajigadu Rajayyadu | ‘బట్టల రామస్వామి బయోపిక్కు’ ఫేమ్ అల్తాఫ్ హసన్ దర్శకత్వంలో ‘రాజిగాడు రాజయ్యాడు’.. టైటిల్, ఫస్ట్ లుక్ పోస్టర్ విడుదల!
Nasal Congestion | చలికాలంలో ముక్కు దిబ్బడ సమస్య ఎందుకు ఎక్కువవుతుంది.. తగ్గేందుకు ఏం చేయాలి..?
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

