Foreign Gold Seize | విశాఖలో 5.83 కిలోల విదేశి బంగారం పట్టివేత..దాని విలువ ఎంతంటే ?

Foreign Gold Seize | కేంద్ర డైరెక్టరేట్ ఆఫ్ రెవెన్యూ ఇంటెలిజెన్స్ సంస్థ విశాఖలో భారీ విదేశి బంగారాన్ని పట్టుకుంది.

అమరావతి : కేంద్ర డైరెక్టరేట్ ఆఫ్ రెవెన్యూ ఇంటెలిజెన్స్ (DRI) సంస్థ విశాఖలో భారీ విదేశి బంగారాన్ని (Foreign Gold Seize) పట్టుకుంది. పక్కా సమాచారం కోల్‌కతా నుంచి హైదరాబాద్‌కు కారులో తరలిస్తుండగా జాతీయ రహదారిపై నిఘా ఉంచిన డీఆర్‌ఐ అధికారులు కారును ఛేజ్‌ చేసి పట్టుకున్నారు. కారులో రూ.8.98 కోట్ల విలువైన 5.83 కిలోల బంగారాన్ని స్వాధీనం చేసుకున్నారు.

కారు ముందు ప్రయాణికుడి సీటు కింద కాళ్లు ఉంచే ప్రదేశంలో ప్రత్యేకంగా ఏర్పాటు చేసిన రహస్య అరను అధికారులు గుర్తించారు. అందులో మూడు ప్యాకెట్లలో దాచిన బంగారాన్ని స్వాధీనం చేసుకున్నారు. భారత్‌-బంగ్లాదేశ్ సరిహద్దు మీదుగా ఈ బంగారాన్ని అక్రమంగా భారత్‌లోకి తీసుకొచ్చి హైదరాబాద్‌కు తరలిస్తున్నట్లు సమాచారం అందడంతో డీఆర్‌ఐ అధికారులు అలెర్టు అయ్యారు. ఈ కేసులో అరెస్టయిన నిందితులను మేజిస్ట్రేట్ ఎదుట హాజరుపరచగా, వారిని కస్టడీకి తరలించాలని కోర్టు ఆదేశించింది.