గంగాజల సేకరణకు పయనం

ఆదిలాబాద్‌ జిల్లా ఇంద్రవెల్లి మండలంలోని కేస్లాపూర్‌లో గల నాగోబా మహాపూజకు ఉపయోగించే గంగాజల సేకరణ కోసం హస్తలమడుగుకు మెస్రం వంశీయులు ఆదివారం బయలుదేరారు.

• హస్తలమడుగుకు పాదయాత్రగా బయలుదేరిన మెస్రం వంశీయులు
• ఝరికి సంప్రదాయ పూజలు.. ఈనెల 28న పవిత్ర జలం సేకరణ
• ఫిబ్రవరి 9న అర్ధరాత్రి నాగోబాకు మహాపూజ

ఇంద్రవెల్లి, జనవరి 21 ః ఆదిలాబాద్‌ జిల్లా ఇంద్రవెల్లి మండలంలోని కేస్లాపూర్‌లో గల నాగోబా మహాపూజకు ఉపయోగించే గంగాజల సేకరణ కోసం హస్తలమడుగుకు మెస్రం వంశీయులు ఆదివారం బయలుదేరారు. ముందుగా ఉమ్మడి ఆదిలాబాద్‌ జిల్లాతోపాటు వివిధ ప్రాంతాల నుంచి తరలివచ్చిన మెస్రం వంశీయులు మధ్యా హ్నం పురాతన నాగోబా ఆలయం(మురాడి)కి చేరుకున్నారు. ప్రత్యేక సమావేశం ఏర్పాటు చేసుకుని మార్గాలపై చర్చించారు.

అనంతరం మురాడిలో ప్రత్యేక పూజలు నిర్వహించి, అక్కడే భద్రపర్చిన గంగాజల ఝరిని కటోడ కోసేరావ్‌, నాయికివాడి ధర్ము, కటోడ హనుమంత్‌రావ్‌ బయటకు తీశారు. ఆలయం పక్కన తెల్లవస్త్రంపై ఝరిని పెట్టి సంప్రదాయం ప్రకారం పురుషులు, మహిళలు వేర్వేరుగా పూజలు చేశారు. గంగాజలం తీసుకొచ్చే ఝరిని కటోడ కోసు వీపుపై తెల్లవస్త్రంతో కట్టారు. గంగాజలం సేకరణ కోసం కాలినడకన వెళ్తున్న కటోడ కో సుతోపాటు 150 మంది మెస్రం వంశీయులు గిరిజన సంప్రదాయం ప్రకా రం మర్యాద పూర్వకంగా ఒకరినొకరు కలుసుకున్నారు.

గ్రామం నుంచి పొలిమేర వరకు గ్రామస్తులతోపాటు మె స్రం వంశీయులు వారిని సంప్రదా యం ప్రకారం సాగనంపారు. ఈ కా ర్యక్రమంలో మెస్రం వంశీయుల పీఠాధిపతి మెస్రం వెంకట్‌రావ్‌పటేల్‌, మె స్రం వంశీయులు చిన్ను పటేల్‌, బాజీరావ్‌ పటేల్‌, లింబారావ్‌, కటోడ కోసేరావ్‌, కటోడ హనుమంత్‌ రావ్‌, ప ర్ధాంజీ దాదారావ్‌, నాయికివాడి మె్ర సం ధర్ము, పేన్‌ కోత్వాల్‌ మెస్రం తిరుపతి, గణపతి, మెస్రం మనోహర్‌, నా గోరావ్‌, జంగు పటేల్‌, సోనేరావ్‌, దేవ్‌రావ్‌, నాగ్‌నాథ్‌, తుకారాం, శేఖర్‌బా బు, జంగుబాపు, ఆనంద్‌రావ్‌, సీతా రాం, కార్తీక్‌, మారుతి పాల్గొన్నారు.

పాదయాత్ర విశేషాలు..

• జనవరి 21న కేస్లాపూర్‌ నుంచి ఆదివారం సాయంత్రం ప్రారంభమైన గంగాజల సేకరణ పాదయాత్ర రాత్రికి కేస్లాగూడ(జీ) గ్రామానికి చేరుకొని బస చేశారు.
• 22న నార్నూర్‌ మండలంలోని గుంజాల గ్రామానికి చేరుకుని రాత్రి అక్కడే బస చేస్తారు.
• 23న నార్నూర్‌ మండలంలోని నాగల్‌కొండ
• 24న జైనూర్‌ మండలంలోని గౌరి
• 25న లింగాపూర్‌ మండలంలోని గుమ్నూర్‌
• 26న జన్నారం మండలంలోని ఇస్లాంపూర్‌
• 27న దస్తురాబాద్‌ మండలంలోని మల్లాపూర్‌
• 28న జన్నారం మండలంలోని గోదావరి నదికి ప్రత్యేక పూజలు చేసి, హస్తలమడుగులో గంగాజలం సేకరిస్తారు. అదేరోజు తిరుగు పయనమై ఉట్నూర్‌కు చేరుకుంటారు.
• 29న ఉట్నూర్‌ మండల కేంద్రంలో బస చేస్తారు.
• 30న ఇంద్రవెల్లి మండలంలోని దోడంద గ్రామానికి చేరుకుంటారు. జనవరి 31 నుంచి ఫిబ్రవరి 1, 2, 3, 4 వరకు అక్కడే బస చేస్తారు.
• ఫిబ్రవరి 5న ఇంద్రవెల్లి మండల కేంద్రంలోని ఇంద్రాదేవి ఆలయానికి చేరుకుని ప్రత్యేక పూజలు చేస్తారు. సాయంత్రం కేస్లాపూర్‌ మర్రిచెట్ల వద్దకు చేరుకుంటారు. మూడు, నాలుగు రోజులు మర్రిచెట్ల నీడలోనే బస చేస్తారు.
• ఫిబ్రవరి 6న రాత్రి మెస్రం వంశీయుల పటేళ్లు మర్రిచెట్ల వద్దకు చేరుకోగానే వారికి ఘనంగా స్వాగతం పలుకుతారు.
• ఫిబ్రవరి 7న కర్మకాండా(తూమ్‌) పూజలు నిర్వహిస్తారు.
• ఫిబ్రవరి 8న ధర్మాన్‌ చేస్తూ విశ్రాంతి తీసుకుంటారు.
• ఫిబ్రవరి 9న నాగోబాకు గంగాజలంతో మహాపూజ నిర్వహిస్తారు.