అతిగా మద్యం సేవించి వ్యక్తి మృతి

నిర్మల్ జిల్లా కుభీర్ మండల కేంద్రంలో గ్రామానికి చెందిన దూసం రాములు (40) అనే వ్యక్తి  మంగళవారం రాత్రి మృతి చెందాడు.

కుభీర్ : నిర్మల్ జిల్లా కుభీర్ మండల కేంద్రంలో గ్రామానికి చెందిన దూసం రాములు (40) అనే వ్యక్తి  మంగళవారం రాత్రి మృతి చెందాడు. మృతుడి భార్య ఇచ్చిన ఫిర్యాదు ప్రకారం.. ఎస్సై కృష్ణారెడ్డి ( SI Krishnareddy ) తెలిపిన వివరాలు. రాములు గత కొన్నేళ్లుగా మద్యానికి బానిసై రాత్రి భార్యతో పాటు తండ్రితో గొడవపడ్డాడని తెలిపారు.

రాత్రి అతిగా మద్యం తాగి ( Alcohol Consumption ) ఇంటి ముందు నేలపై బోర్ల పడి మృతి చెంది ఉండవచ్చని కుటుంబ సభ్యులు పోలీసులకు ఫిర్యాదు చేశారని వెల్లడించారు. మృతుడి భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.రాములు మృతికి గల కచ్చితమైన కారణాలు పోలీసుల దర్యాప్తులో తేలాల్సి ఉందని పేర్కొన్నారు.