Visit:
Adilabad Govt School
Government School | తెలంగాణ రాష్ట్రంలో వేసవి సెలవుల అనంతరం పాఠశాలలు గురువారం నుంచి పునఃప్రారంభం కానున్నాయి. ఈ నేపథ్యంలో స్కూళ్ల రీఓపెనింగ్‌ కోసం రాష్ట్ర ప్రభుత్వం అన్ని ఏర్పాట్లు చేస్తున్నది.
అందులో భాగంగానే ఆదిలాబాద్‌ జిల్లాలోని పాఠశాలకు మార్చి, ఏప్రిల్‌, మే నెలల్లో రంగులు వేసి సర్వాంగ సుందరంగా తీర్చిదిద్దారు. కానీ మీద మెరుగు.. లోపల పురుగు అన్న చందంగా బయట నుంచి అయితే అందంగా కనిపిస్తున్నాయి.
పాఠశాల గోడలకు రంగులు వేశారు కానీ లోపల మాత్రం కనీస మౌలిక సదుపాయాలు లేక పరిస్థితి దయానీయంగా ఉంది.
ఆదిలాబాద్‌ జిల్లా కేంద్రంలోని హిందీ ప్రభుత్వ ఉన్నత పాఠశాల సుందరంగా కనిపించాలని రంగులు అయితే వేశారు కానీ మౌలిక వసతుల కల్పనను మరిచారు.
పాఠశాల ఆవరణలో మొత్తం గడ్డి, పిచ్చి మొక్కలు మొలిచి అపరిశుభ్రంగా ఉంది. అలాగే బయట ఎక్కడ చూసినా చిన్నపాటి వర్షానికే మురుగునీరు నిలిచిపోతున్నది.
పాఠశాలకు కనీసం ప్రహారీ గోడను కూడా నిర్మించలేదు. ఇక పాఠశాల లోపల విద్యార్థులు కూర్చునే బెంచీలు కూడా పాడైపోయాయి. విరిగిపోయిన, శిథిలావస్థకు చేరుకున్న పాత బెంచీలను అలాగే ఉంచేశారు.