భానుడు @ 44
వానకాలం ప్రారంభమైనా ఆదిలాబాద్ జిల్లాలో ఎండలు మండిపోతున్నాయి. నైరుతి రుతపవనాల రాక ఆలస్యం ఫలితంగా వర్షాల పడకపోవడంతో ఎండల ప్రభావం కొనసాగుతున్నది. జిల్లాలో గరిష్ఠంగా 44 డిగ్రీల ఉష్ణోగ్రతలు నమోదవుతున్నాయి. జిల్లాలోని అన్ని మండలాల్లో ఎండల తీవ్రత అధికంగా ఉంటున్నది.
- ఆదిలాబాద్ జిల్లాలో మండుతున్న ఎండలు
- వడగాలులతో ప్రజలు ఉక్కిరిబిక్కిరి
- ఉక్కపోతతో ఇబ్బందులు
ఆదిలాబాద్, జూన్ 16 ( నమస్తే తెలంగాణ) : వానకాలం ప్రారంభమైనా ఆదిలాబాద్ జిల్లాలో ఎండలు మండిపోతున్నాయి. నైరుతి రుతపవనాల రాక ఆలస్యం ఫలితంగా వర్షాల పడకపోవడంతో ఎండల ప్రభావం కొనసాగుతున్నది. జిల్లాలో గరిష్ఠంగా 44 డిగ్రీల ఉష్ణోగ్రతలు నమోదవుతున్నాయి. జిల్లాలోని అన్ని మండలాల్లో ఎండల తీవ్రత అధికంగా ఉంటున్నది. ఉదయం 8 గంటలకే భానుడు తన ప్రతాపాన్ని చూపుతున్నాడు. సాయంత్రం 6 గంటల వరకు ఎండ ప్రభావం కొనసాగుతున్నది. ఎండలకు వడగాలులు తోడవడంతో ప్రజలు ఉక్కిరిబిక్కిరి అవుతున్నారు. వాయవ్య భారతం నుంచి వస్తున్న వేడిగాలుల ఫలితంగా ఎండల ప్రభావం ఎక్కువగా ఉందని వాతావరణ నిపుణులు పేర్కొంటున్నారు.
మధ్యాహ్నం సమయంలో రోడ్లపై జనసంచారం కనపడడం లేదు. పగటిపూట సూర్యుడి ప్రభావం కారణంగా ఎండవేడి తట్టుకోలేకపోతున్నారు. ఉక్కపోత నుంచి ఉపశమనం పొందడానికి ఏసీలు, కూలర్లు, ఫ్యాన్లను ఉపయోగిస్తుండడంతో విద్యుత్ వాడకం పెరిగింది. మూగజీవాల పరిస్థితి దయనీయంగా మారింది. ఎండల తీవ్రత కారణంగా ప్రైవేట్ పాఠశాలలు ఒకేపూట నడుస్తున్నాయి. జిల్లాలో ఏటా వానకాలంలో పంటల సాగుకు సంబంధించి జూన్ మొదటి వారంలో ఒకటి, రెండు వానలు పడగానే రైతులు విత్తనాలు వేస్తారు.
సీజన్ ప్రారంభమైనా ఇప్పటి వరకు ఒక్క వాన పడలేదు. ఇప్పటికే భూములను సిద్ధం చేసుకొని విత్తనాలు కొనుగోలు చేసి వర్షంకోసం రైతులు ఎదురుచూస్తున్నారు. వర్షాల రాక జాప్యం కారణంగా పంటలు సాగు సైతం ఆలస్యం కానున్నది. జిల్లాలో మరో నాలుగు రోజులు ఎండల ప్రభావం ఉంటుందని వాతవారణ శాఖ అధికారులు అంటున్నారు. ఎండల నుంచి రక్షణ పొందడానికి ప్రజలు తగిన జాగ్రత్తలు తీసుకోవాలని సూచిస్తున్నారు. ఉదయం, సాయంత్రం సమయాల్లో తమ పనులు చేసుకోవాలని చెబుతున్నారు.
Read Today's Latest Adilabad News in Telugu and Telugu News
RELATED ARTICLES
తాజా వార్తలు
ఇందిరమ్మ కుటుంబ జీవిత బీమా పథకం పేద కుటుంబాలకు అండ
సారపాకలో ఇసుక అక్రమ రవాణా అడ్డుకట్టకు చర్యలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పదికి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

