BR Ambedkar | బీఆర్‌ అంబేద్కర్‌పై అనుచిత వ్యాఖ్యలు చేసిన వారిపై చర్యలు తీసుకోవాలి

BR Ambedkar | భారత రాజ్యాంగ నిర్మాత డాక్టర్‌ బి.ఆర్.అంబేద్కర్ పై సోషల్ మీడియా వేదికగా అనుచిత వ్యాఖ్యలు చేస్తూ కించపరిచే విధంగా పోస్టులు పెట్టిన హామారా ప్రసాద్ పై చట్టపరమైన చర్యలు తీసుకోవాలని అంబేద్కర్ యువజన సంఘాలు నిరసన చేపట్టాయి.

కుభీర్‌ : భారత రాజ్యాంగ నిర్మాత డాక్టర్‌ బి.ఆర్.అంబేద్కర్( BR Ambedkar) పై సోషల్ మీడియా వేదికగా అనుచిత వ్యాఖ్యలు చేస్తూ కించపరిచే విధంగా పోస్టులు పెట్టిన హామారా ప్రసాద్ ( Prasad )పై చట్టపరమైన చర్యలు తీసుకోవాలని కుభీర్ మండల అంబేద్కర్ యువజన సంఘాలు నిరసన చేపట్టాయి. అనంతరం గురువారం తహసీల్దార్‌ శ్రీదేవికి వినతిపత్రం సమర్పించారు.

నాయకులు మాట్లాడుతూ కల్పిత నాయకుడు అనే పుస్తకాన్ని రాస్తున్న అతడిని ప్రభుత్వం వెంటనే నిలుపుదల చేస్తూ చర్యలు తీసుకోవాలని , అతనిపై ఉపా చట్టాన్ని ప్రయోగించాలని డిమాండ్ చేశారు. లేని పక్షంలో రాష్ట్రవ్యాప్తంగా ఆందోళనలు చెపడతామని హెచ్చరించారు. ఈ కార్యక్రమంలో సంఘాల నాయకులు దుగ్గే సందీప్, జి.ధమ్మపాల్, జాడే శ్రీనివాస్, జి.దత్తాత్రి, కె.రాహుల్, కె.పోశెట్టి, వై.రాహుల్, హెచ్.సుభాష్, కె.సుభాష్, వై.విజయ్, జి.రమేష్, ఎస్ సిద్దార్థ్, జి.అవినాష్ పాల్గొన్నారు.