రోగాలకు.. పక్కలో బెల్లం

తీపి అంటే బెల్లమే. కానీ ప్రస్తుతం చక్కెర వినియోగం ఎక్కువగా ఉంది. నిజానికి, పంచదారకు బదులు బెల్లం వాడితే అనేక ఆరోగ్య ప్రయోజనాలని చెబుతారు నిపుణులు.

తీపి అంటే బెల్లమే. కానీ ప్రస్తుతం చక్కెర వినియోగం ఎక్కువగా ఉంది. నిజానికి, పంచదారకు బదులు బెల్లం వాడితే అనేక ఆరోగ్య ప్రయోజనాలని చెబుతారు నిపుణులు.

• రక్త శుద్ధిలో: బెల్లం తినడంవల్ల రక్తశుద్ధి జరుగుతుంది. హిమోగ్లోబిన్‌ శాతం పెరుగుతుంది. రోగ నిరోధకత బలోపేతం అవుతుంది.
• నెలసరి సమస్యల్లో: నెలసరి సమయంలో తలెత్తే కడుపునొప్పి నుంచి ఉపశమనం దొరుకుతుంది. రక్త సరఫరా సాఫీగా జరిగేలా చూస్తుంది.
• బరువు తగ్గడానికి: బెల్లంలో పొటాషియం అధికం. దీంతో జీవక్రియలు మెరుగుపడతాయి. శరీరంలో ఎలెక్ట్రోలైట్స్‌ సమతూకంలో ఉంటాయి. తగిన మోతాదులో బెల్లం తింటే బరువు తగ్గవచ్చు కూడా.
• జీర్ణక్రియలో: బెల్లం జీర్ణ సంబంధ సమస్యలను నివారిస్తుంది. మలబద్ధకానికి ఔషధం లాంటిది.
• నాడీ వ్యాధులకు: నాడీ వ్యవస్థ సజావుగా పనిచేసేందుకు ఉపకరిస్తుంది. నాడీ సంబంధ రుగ్మతలను నివారిస్తుంది.
• శ్వాస సమస్యలకు : ఆస్తమా, బ్రాంకైటిస్‌ లాంటి శ్వాస సమస్యల నుంచి ఉపశమనం ఇస్తుంది. శరీర ఉష్ణోగ్రతను క్రమబద్ధం చేసే గుణాలు కూడా బెల్లానికి ఉన్నాయి.
• యాంటీ ఆక్సిడెంట్స్‌ గని: బెల్లంలో యాంటీ ఆక్సిడెంట్స్‌ పుష్కలం. ప్రత్యేకించి ఇందులోని సెలీనియం శరీరంపై ఫ్రీ ర్యాడికల్స్‌ దుష్ప్రభావాన్ని నివారిస్తుంది.
• నాణ్యమైన వీర్యం: ఆయుర్వేదం ప్రకారం ఉసిరికాయ పొడిలో బెల్లం కలిపి తీసుకుంటే పురుషులలో వీర్యం నాణ్యత పెరుగుతుంది. అంతేకాదు, ఇది వీర్య ఉత్పత్తిని కూడా ప్రేరేపిస్తుంది.

షరా: దీర్ఘకాలిక రుగ్మతలతో బాధపడేవారికి నిపుణుల సలహా తప్పనిసరి. ఆరోగ్య వంతుల విషయంలోనూ మోతాదు మించకూడదు.