చలికాలంలో పొట్ట భద్రం!

చలికాలంలో జీర్ణశక్తి మందగిస్తుంది. ఆకలి సరిగ్గా వేయదు. దీని వల్ల పొట్టకు సంబంధించి ఎన్నో సమస్యలు వస్తాయి. అందుకే వెచ్చటి నీళ్లు, పానీయాలు, ఆహారంలాంటివి తీసుకోవడం ద్వారా వాటిని సరిచేసుకోవచ్చు అని చెబుతున్నది ఆయుర్వేదం.

చలికాలంలో జీర్ణశక్తి మందగిస్తుంది. ఆకలి సరిగ్గా వేయదు. దీని వల్ల పొట్టకు సంబంధించి ఎన్నో సమస్యలు వస్తాయి. అందుకే వెచ్చటి నీళ్లు, పానీయాలు, ఆహారంలాంటివి తీసుకోవడం ద్వారా వాటిని సరిచేసుకోవచ్చు అని చెబుతున్నది ఆయుర్వేదం. ఈ సీజన్‌లో దొరికే ఆహారం తీసుకోవడం ద్వారా కూడా ఇమ్యూనిటీని పెంచుకోవచ్చనీ అంటున్నది.

• సాధారణ చల్లటి నీళ్లు తాగే బదులు వేయించిన జీలకర్ర, వాము కలిపి మరిగించి, కాస్త వెచ్చటి నీళ్లను తీసుకుంటే మంచిది.
• నిల్వ ఉంచిన బెల్లం, పాత నెయ్యి, పాత గోధుమల్లాంటి ధాన్యాలు తినడం ఈ కాలంలో పొట్ట ఆరోగ్యానికి మేలు.
• అరుగుదల తక్కువగా ఉండి అసిడిటీ ఏర్పడితే జీలకర్ర, బ్లాక్‌ రైజిన్స్‌ (నల్ల కిస్‌మిస్‌)లు రాత్రి నానబెట్టి ఉదయం మెల్లగా నములుతూ తినాలి.