Period Pal | రుతుక్ర‌మం స‌మ‌యంలో జాగ్ర‌త్త‌ల‌పై యాప్ లాంఛ్ చేసిన తాప్సీ

December 3, 2021 / 04:30 AM IST

Taapsee Pannu launches Period Pal app | ‘మహిళల్లో నెలసరి ఒక సహజమైన ప్రక్రియ. దాచాల్సిన అవసరం లేదు. నిస్సంకోచంగా మాట్లాడుదాం రండి’ అంటూ సగటు స్త్రీలలో అవగాహన పెంచుతున్నది సినీనటి తాప్సీ. తాజాగా మరో అడుగు ముందుకేసింది. ఎకో ఫ్రెండ్లీ మెన్సురేషనల్‌ నాప్‌కిన్స్‌ తయారీ సంస్థ ‘లైకా’ ప్రారంభించిన ‘పీరియడ్‌ పాల్‌’ అనే యాప్‌ నిర్వహణలో తానూ భాగమైంది.

మహిళల్లో రుతుక్రమం, నెలసరి సమస్యలు, పరిష్కారాలు, ఆహారం, జాగ్రత్తలు వంటి అంశాలను తెలియజెప్పే ఈ యాప్‌కు చీఫ్‌ ఇన్నొవేషన్‌ ఆఫీసర్‌గా వ్యవహరించనుంది. ‘నెలసరి జాగ్రత్తలపై ఇప్పటికీ చాలామందికి అవగాహన లేదు. నా వంతుగా సమాజంలో ఎంతోకొంత మార్పు తీసుకురావాలనే లక్ష్యంతో ఈ కార్యక్రమంలో భాగమయ్యాను’ అంటూ తన ఆలోచనలను పంచుకుంది తాప్సీ. నెలసరి విషయంలో ఏవైనా సందేహాలు ఉంటే యాప్‌ ద్వారా పరిష్కారం కోరే వెసులుబాటు ఉంది. తాప్సీతోపాటు, ప్రముఖ గైనకాలజిస్టులు, డైటీషియన్లు సలహాలు, సూచనలు అందిస్తారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి