నేను ఉగాదిని

నేను ఉగాదిని కోటి చిరునవ్వుల కాంతితో జీవం నింపడానికి ప్రకృతి గర్భంలో మొలిచిన కొత్త చిగురులా నన్ను నేను సానపరుచుకొని మీలో ఒకదానినై ఉదయించడానికి వస్తున్నాను.

నేను ఉగాదిని
కోటి చిరునవ్వుల కాంతితో
జీవం నింపడానికి
ప్రకృతి గర్భంలో మొలిచిన
కొత్త చిగురులా
నన్ను నేను సానపరుచుకొని
మీలో ఒకదానినై
ఉదయించడానికి వస్తున్నాను.

మీరు వదిలేసిన
మీ గతానికి స్వస్తి చెప్పి
భవిష్యత్తు కోసం ఆరాటపడే
మీ జీవిత వర్ణానికి
పత్రహరితం దిద్దడానికి
భానుడి కిరణాల నుంచి
వస్తున్న మరో కొత్త ఉగాదిని.

రోడ్ల కూడలిలో రాలిపోయిన
పుష్పరెక్కల మధ్య
షడ్రుచుల పరిమళంలా
వెలుగులు వెదజల్లడానికి
రెక్కలు కట్టుకొని వస్తున్న
తెలుగింటి ఆడపడుచుని.

నన్ను నన్నుగా చూసి
నీవు ఎంతవరకు
నిన్ను నిన్నుగా
శిల్పంలా చెక్కుకున్నావో చూడాలని
నీ కన్నీటి రాగాలను లాలించి
నిన్ను నా ఒడిలో
నిద్రపుచ్చడానికి వస్తున్నాను.
ఇప్పటికైనా గుర్తుపట్టావా..
నేను ఎవరో కాదు
మీ తెలుగింటి ఉగాదిని..

– ఇంద్రావత్‌ రాహుల్‌ నాయక్‌ ఉస్మానియా విశ్వవిద్యాలయం, 9848054079