మీరే అవాక్కవుతారు

నగరాలు, పట్టణాల్లోనేకాదు.. ఇప్పుడు పల్లెల్లోనూ వాషింగ్‌ మెషిన్‌లు వచ్చిచేరాయి. దుస్తులు ఉతికే శ్రమను తగ్గించాయి. అయితే, చేతులతో బట్టలు ఉతకడంతో పోలిస్తే.. మెషిన్‌ సరిగ్గా ఉతకదనీ, వస్ర్తాల మురికిని పూర్తిగా వదిలించదనీ ఫిర్యాదులు వినిపిస్తూనే ఉంటాయి.

నగరాలు, పట్టణాల్లోనేకాదు.. ఇప్పుడు పల్లెల్లోనూ వాషింగ్‌ మెషిన్‌లు వచ్చిచేరాయి. దుస్తులు ఉతికే శ్రమను తగ్గించాయి. అయితే, చేతులతో బట్టలు ఉతకడంతో పోలిస్తే.. మెషిన్‌ సరిగ్గా ఉతకదనీ, వస్ర్తాల మురికిని పూర్తిగా వదిలించదనీ ఫిర్యాదులు వినిపిస్తూనే ఉంటాయి. ఈ క్రమంలో వాషింగ్‌ మెషిన్‌ వినియోగించే సమయంలో కొన్ని చిట్కాలు పాటిస్తే.. మంచి ఫలితాలు రాబట్టవచ్చని నిపుణులు చెబుతున్నారు.

• వాషింగ్‌ మెషిన్‌ విషయంలో చాలామంది చేసే మొదటి పొరపాటు.. ఎక్కువ మొత్తంలో బట్టలను ఉతకడానికి వేయడం. మెషిన్‌ సామర్థ్యం 10 కిలోలు ఉంటే.. 7 నుంచి 8 కిలోలు మాత్రమే వేసుకోవాలి. అంతకుమించి వేస్తే.. దుస్తులు పూర్తిగా శుభ్రం కావు.
• లిక్విడ్‌ డిటర్జెంట్‌ను కూడా.. ఒక్కసారే వేసి వదిలేయకూడదు. దుస్తులు ఉతకడం సగం అయిన తరువాత.. మరోసారి లిక్విడ్‌ వేయాలి. దాంతో దుస్తుల మురికి ఇట్టే వదిలిపోతుంది.
• వాషింగ్‌ మెషిన్‌తో ఎదురయ్యే ప్రధాన సమస్య.. చొక్కాల కాలర్‌, చేతుల దగ్గర మురికి ఎప్పట్లాగే ఉండటం. చొక్కాల మడత తిప్పి వేస్తే.. ఈ సమస్య తీరుతుంది.
• డ్రెస్‌లను డైరెక్టుగా వాషింగ్‌ మెషిన్‌లోనే వేయకుండా.. అరగంట పాటు నానబెట్టి ఉతకడానికి వేస్తే వాటికి అంటిన మురికి మొత్తం వదిలిపోతుంది.
• చివరిగా.. మెషిన్‌ టబ్‌, ఫిల్టర్‌ను ఎప్పటికప్పుడు శుభ్రంగా ఉంచుకోవాలి. దీనివల్ల డ్రెస్‌లు సులభంగా శుభ్రం అవుతాయి. వాసన రాకుండానూ ఉంటాయి.