జాగ్రత్తలు పాటించాలి

వర్షాకాలం ప్రారంభం కావడంతో సీజనల్‌ వ్యాధులు సహజం. గాలిలో తేమ శాతం అధికంగా ఉండడం వల్ల ఎలాంటి వైరస్‌లు అయినా బలంగా, వేగంగా విస్తరిస్తాయి. అందుకని ముఖానికి మాస్క్‌ ధరించడం, భౌతిక దూరం పాటించడం, చేతులను ఎప్పటికప్పుడు శానిటైజ్‌ చేసుకోవడం అన్నివిధాలా శ్రేయస్కరం.

వర్షాకాలం ప్రారంభం కావడంతో సీజనల్‌ వ్యాధులు సహజం. గాలిలో తేమ శాతం అధికంగా ఉండడం వల్ల ఎలాంటి వైరస్‌లు అయినా బలంగా, వేగంగా విస్తరిస్తాయి. అందుకని ముఖానికి మాస్క్‌ ధరించడం, భౌతిక దూరం పాటించడం, చేతులను ఎప్పటికప్పుడు శానిటైజ్‌ చేసుకోవడం అన్నివిధాలా శ్రేయస్కరం. ఈ జాగ్రత్తల వల్ల ఒక్క కరోనా నుంచే కాకుండా ఇన్‌ఫ్లూయెంజా, ఆర్‌ఎస్‌వి తదితర సీజనల్‌ వైరస్‌ల నుంచి కూడా తప్పించుకోవచ్చు.

• సాధ్యమైనంతగా జనాల మధ్యకు వెళ్లకుండా ఉండాలి. తప్పనిసరి పరిస్థితుల్లో వెళ్లాల్సి వస్తే ముఖానికి మాస్కు ధరించాలి
• బయటికి వెళ్లినప్పుడు తరుచూ చేతులను శుభ్రంగా కడుక్కోవాలి. లేదా శానిటైజ్‌ చేసుకోవాలి.
• దీర్ఘకాలిక వ్యాధిగ్రస్తులు అప్రమత్తంగా ఉండాలి. కుటుంబ సభ్యులు కూడా భద్రంగా ఉండాలి.
• కరోనా అనుమానిత లక్షణాలు కనిపిస్తే వెంటనే ఐసోలేషన్‌లోకి వెళ్లి, వైద్యులను సంప్రదించాలి.
• పాజిటివ్‌గా నిర్ధారణ జరిగితే వైద్యుల సూచన మేరకు మందులు వాడుతూ కరోనా నియమాలతో ఐసోలేషన్‌లో ఉండాలి.
• లక్షణాలు ఉన్నవారు జనాల మధ్య తిరగకూడదు. అలా తిరగడం వల్ల వైరస్‌ మరింత వ్యాప్తిచెందే అవకాశం ఉంటుంది.
• గర్భిణులు, చిన్నపిల్లలు, వృద్ధుల పట్ల జాగ్రత్తగా ఉండాలి. సాధ్యమైనంత వరకు వీరిని మనుషులు ఎక్కువగా ఉండే చోట్లకి తీసుకెళ్లవద్దు. తప్పనిసరిగా వెళ్లాల్సి వస్తే మాస్కులు ధరించాలి.