face sculpting | గూగుల్‌లో అత్య‌ధికంగా వెతికింది దీని గురించే..

January 6, 2022 / 03:43 AM IST

face sculpting | తమ ముఖాకృతి శిల్పి చెక్కినంత పరిపూర్ణంగా ఉండాలని కోరుకుంటారు మగువలు. ఆ ఆరాటంలో ఎంతోకొంత అందగత్తెలు అయిన సినీతారలు కూడా ప్లాస్టిక్‌ సర్జరీలు చేయించుకుంటారు. ఇక సామాన్యుల సంగతి చెప్పేదేముంది? అందుకే, ఇంటర్నెట్‌లో గత ఏడాది అత్యధిక ప్రజలు అన్వేషించిన మాటగా ‘ఫేస్‌ స్కల్ప్‌టింగ్‌’ ప్రక్రియ వార్తలకెక్కింది. ఇందుకు అనేక మార్గాలు ఉన్నాయి. మొదటిది.. అందరికీ తెలిసిన ప్లాస్టిక్‌ సర్జరీ. ఇదో ఖరీదైన వ్యవహారం. వయసు పెరుగుతున్న కొద్దీ ముఖ నిర్మాణంలో మార్పులు వస్తాయి. కాకపోతే ముఖ చర్మం కింద అక్కడక్కడా కొవ్వు అలాగే పేరుకుపోయి ఉంటుంది. ఆధునిక పరికరాల సాయంతో చేసే స్కల్ప్‌టింగ్‌లో.. ముఖాకృతితో ముడిపడిన ఎముకలను అటూ ఇటూ సర్దుబాటు చేయడం ద్వారా లేదా అదనపు కొవ్వును తొలగించడం ద్వారా అనుకున్న ఫలితాలను సాధిస్తారు.

మరొకటి.. ఔషధీయ తైల మర్దనం. మర్దన ద్వారా కూడా మార్పు సాధ్యమేనంటారు కొందరు. వివిధ రకాల రాళ్లతో కూడిన రోలర్స్‌ సైతం కొంత వరకు ఫలితం చూపుతాయంటారు. నిజానికి, మనల్ని మనం యథాతథంగా ఆమోదించడమే అత్యుత్తమ పరిష్కారం.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి