Broccoli Manchurian | బ్రకోలి మంచూరియా తయారీ ఇలా..

కావలసిన పదార్థాలు
బ్రకోలి ముక్కలు: రెండు కప్పులు, మైదా: అర కప్పు, కార్న్‌ఫ్లోర్‌: పావు కప్పు, కారం: ఒక టీస్పూన్‌, ఉప్పు: తగినంత, సోయా సాస్‌: రెండు టీస్పూన్లు, చిల్లీ సాస్‌: ఒక టీస్పూన్‌, టమాట సాస్‌: ఒక టీస్పూన్‌, నూనె: తగినంత, ఉల్లిగడ్డ: ఒకటి, టమాట: ఒకటి, వెల్లుల్లి: రెండు రెబ్బలు, పచ్చిమిర్చి: రెండు, కొత్తిమీర: కొద్దిగా.

తయారీ విధానం
ముందుగా బ్రకోలి ముక్కలను రెండు నిమిషాలపాటు వేడినీళ్లలో వేసి, వడగట్టి పక్కన పెట్టాలి. ఒక గిన్నెలో మైదా, కార్న్‌ఫ్లోర్‌, కారం, ఒక టీస్పూన్‌ సోయా సాస్‌, తగినంత ఉప్పు వేసి నీళ్లుపోసి జారుగా కలుపుకోవాలి. స్టవ్‌మీద వేయించడానికి సరిపడానూనె పెట్టుకుని బ్రకోలి ముక్కలని పిండి మిశ్రమంలో కలిపి డీప్‌ ఫ్రై చేసుకోవాలి. ఇప్పుడు మరోపాన్‌ పెట్టుకుని రెండు టేబుల్‌ స్పూన్ల నూనెవేసి, వేడయ్యాక తరిగిన వెల్లుల్లి, ఉల్లిగడ్డ వేయాలి. బాగా వేగాక టమాట ముక్కలు వేసి మగ్గనివ్వాలి. అన్నీ బాగా మగ్గాక ఒక స్పూన్‌ సోయా సాస్‌, చిల్లీ సాస్‌, టమాట సాస్‌ వేసి పావుకప్పు నీళ్ళలో అర టీస్పూన్‌ కార్న్‌ఫ్లోర్‌ వేసి రెండు నిమిషాలపాటు ఉడకనివ్వాలి. ఇప్పుడు, వేయించి పక్కన పెట్టుకున్న బ్రకోలి ముక్కల్ని కలిపి, కొత్తిమీర చల్లుకుంటే మంచూరియా సిద్ధం.