అమ్మ ప్రేమ

దేశం కోసం యుద్ధంలో పోరాడి ప్రాణాలు అర్పించేవారు మాత్రమే వీరులు కాదు. విధి నిర్వహణలో భాగంగా అసువులుబాసే ప్రతి సైనికుడూ అమరుడే. అలాంటి వ్యక్తే అభిమన్యు. పేరుకు తగ్గట్టు ఆ యువకుడు సాహసికుడు. కోరికోరి వైమానిక దళంలో చేరాడు. డెహ్రాడూన్‌కి చెందిన అభిమన్యు, హైదరాబాద్‌ దుండిగల్‌లోని ఎయిర్‌ ఫోర్స్‌ అకాడమీలో శిక్షణ పొందుతున్న సమయంలో... తను నడుపుతున్న విమానంలో సాంకేతిక సమస్య తలెత్తింది. క్షణాల్లో కుప్పకూలిపోయింది.

దేశం కోసం యుద్ధంలో పోరాడి ప్రాణాలు అర్పించేవారు మాత్రమే వీరులు కాదు. విధి నిర్వహణలో భాగంగా అసువులుబాసే ప్రతి సైనికుడూ అమరుడే. అలాంటి వ్యక్తే అభిమన్యు. పేరుకు తగ్గట్టు ఆ యువకుడు సాహసికుడు. కోరికోరి వైమానిక దళంలో చేరాడు. డెహ్రాడూన్‌కి చెందిన అభిమన్యు, హైదరాబాద్‌ దుండిగల్‌లోని ఎయిర్‌ ఫోర్స్‌ అకాడమీలో శిక్షణ పొందుతున్న సమయంలో… తను నడుపుతున్న విమానంలో సాంకేతిక సమస్య తలెత్తింది. క్షణాల్లో కుప్పకూలిపోయింది.

ఆ ప్రమాదంలో అభి అసువులుబాసాడు. అభిమన్యు మరణాన్ని జీర్ణించుకోలేకపోయారు అతని తల్లి చిత్రలేఖ. బిడ్డ జ్ఞాపకార్థం ఏదైనా చేయాలనుకున్నారు. విమానం కూలిపోయిన ప్రదేశంలోనే ఓ స్థూపాన్ని నిర్మించారు. అభిమన్యు 33వ పుట్టినరోజు సందర్భంగా దాన్ని ఆవిష్కరించారు. అంతేకాదు. యూనిఫాంలో ఉన్న కొడుకు రూపాన్ని తన చేతిమీద టాటూగా వేయించుకున్నారు. ఆ ప్రమాదంలో అభిమన్యుతో పాటు ఓ వియత్నాం సైనికుడు కూడా చనిపోయాడు. ఆ దేశానికి వెళ్లి అమరుడైన సైనికుడి తల్లిదండ్రులను కలవాలని చిత్రలేఖ ఆలోచన. అమ్మ ప్రేమలోని చిక్కదనానికి సాక్ష్యం ఈ సంఘటన.