పొట్టి మొక్కలు పెట్టేద్దాం..

ఇప్పుడు విస్తరించిన అపార్ట్‌మెంట్‌ కల్చర్‌లో.. ఇంటీరియర్‌ ప్లాంట్స్‌తో ఇంటిని నందనవనంగా మార్చేస్తున్నారు. ఇంకొందరు ఒక అడుగు ముందుకేసి.. బోన్సాయ్‌ మొక్కలకు చోటిచ్చి... ఆహ్లాదకరమైన వాతావరణాన్ని సృష్టిస్తున్నారు. ఈ చిట్టి చెట్లు.. ఇంట్లో ప్రశాంతత, పచ్చదనంతోపాటు గృహానికి జీవకళను తీసుకొస్తాయి.

ఇప్పుడు విస్తరించిన అపార్ట్‌మెంట్‌ కల్చర్‌లో.. ఇంటీరియర్‌ ప్లాంట్స్‌తో ఇంటిని నందనవనంగా మార్చేస్తున్నారు. ఇంకొందరు ఒక అడుగు ముందుకేసి.. బోన్సాయ్‌ మొక్కలకు చోటిచ్చి… ఆహ్లాదకరమైన వాతావరణాన్ని సృష్టిస్తున్నారు. ఈ చిట్టి చెట్లు.. ఇంట్లో ప్రశాంతత, పచ్చదనంతోపాటు గృహానికి జీవకళను తీసుకొస్తాయి.

• బోన్సాయ్‌ మొక్కలను వెలుతురు ధారాళంగా వచ్చే కిటికీల దగ్గర పెడితే, మీ ఇల్లు అందంగా కనిపిస్తుంది.
• వీటిని మామూలు కుండీల్లో కాకుండా.. సెరామిక్‌, మెటల్‌ కుండీల్లో పెడితే మరింత ఆకట్టుకుంటాయి.
• ఈ మొక్కలను ఏసీల సమీపంలో ఉంచకూడదు. అలా పెడితే ఆకులు వాడిపోతాయి.
• వీటికి సూర్యరశ్మి చాలా అవసరం. అలాంటి అవకాశం లేకపోతే.. ప్రత్యేమైన లైట్‌ వెలుగు ఉండేలా జాగ్రత్తలు తీసుకోవాలి.
• బోన్సాయ్‌కి తగినంత తేమ ఉండాలి. అందువల్ల కుండీల కింద ప్లేట్‌ పెట్టి, రెండు మూడు రోజులకోసారి నీళ్లు పోస్తూ ఉండాలి.
• ఇవి చిన్న కుండీల్లో పెరగడం వల్ల, వీటికి తరచూ ఫీడింగ్‌ అవసరం. దానికోసం మార్కెట్లో దొరికే లిక్విడ్‌ ఫర్టిలైజర్స్‌, టానిక్స్‌, ప్లాంట్‌ బూస్టర్స్‌ వాడటం మంచిది.
• ఇండోర్‌ బోన్సాయ్‌ కోసం ఫైకస్‌, ప్రేమ్నా, స్నోరోజ్‌, జూనిపెర్‌, మినీ చాందిని లాంటి మొక్కలను ఎంపిక చేసుకోవచ్చు.