అబ్బో ఆరెంజ్‌!

ఏ కాలంలో కాసే పండ్లు ఆ కాలంలో తింటే మనం నాలుగు కాలాల పాటు ఆరోగ్యంగా ఉంటాం. అందులోనూ ఈ చలికాలంలో కాసే నారింజ పండ్లు నాలుగు రకాల ఆరోగ్య ప్రయోజనాలను కలిగిస్తాయి. అవేంటో తెలుసుకుంటే వాటిని మరింత ప్రేమగా లాగించేయొచ్చు!

ఏ కాలంలో కాసే పండ్లు ఆ కాలంలో తింటే మనం నాలుగు కాలాల పాటు ఆరోగ్యంగా ఉంటాం. అందులోనూ ఈ చలికాలంలో కాసే నారింజ పండ్లు నాలుగు రకాల ఆరోగ్య ప్రయోజనాలను కలిగిస్తాయి. అవేంటో తెలుసుకుంటే వాటిని మరింత ప్రేమగా లాగించేయొచ్చు!

• విటమిన్‌-సి కావాలంటే నారింజలు తినాలి అన్నంతగా ఆ విటమిన్‌కు పేరు మోశాయీ పండ్లు. రోగనిరోధక శక్తిని పెంచి, గుండె జబ్బులు, క్యాన్సర్‌లాంటి వ్యాధుల నివారణకు తోడ్పడుతుందిది. శరీరం నిస్సారం కాకుండా కాపాడుతుంది.
•  ఇందులోని హెస్పెరిడిన్‌ అనే ఫ్లేవనాయిడ్‌ రక్తపోటును నియంత్రిస్తూ, గుండె ఆరోగ్యాన్ని కాపాడేందుకు సహకరిస్తుంది. నారిజెనిన్‌ అనే ఫ్లేవనాయిడ్‌ శరీరంలోని యాంటి ఆక్సిడెంట్ల స్థాయులను నియంత్రిస్తుంది.
• ఈ పండుకు నిండైన రంగును ఇచ్చే కెరాటినాయిడ్లు కంటి ఆరోగ్యాన్ని కాపాడతాయి.
• నారింజల్లో అధిక మోతాదులో పీచులు దొరుకుతాయి. ఇవి మలబద్ధకాన్ని పోగొట్టి జీర్ణవ్యవస్థను మెరుగుపరుస్థాయి.
• ఇందులోని విటమిన్‌-సి కొలాజెన్‌ ఉత్పత్తిని పెంచి చిగుళ్లను దృఢంగా చేస్తుంది. చిగుళ్ల వాపు, రక్తం కారడంలాంటి వాటిని నివారిస్తుంది. నోరు, చర్మం, ఎముకలకు సంబంధించిన స్కర్వీ అనే వ్యాధిని కూడా రాకుండా కట్టడిచేస్తుంది, అలాగే తగ్గిస్తుంది.