Hug | మీ భాగస్వామికి.. ఓ వెచ్చని కౌగిలిని కానుకగా ఇచ్చేయండి!

ఇష్టమైనవారి కౌగిలి.. అంతులేని ప్రేమను ప్రసాదిస్తుంది. బాధలను తరిమేస్తుంది. బంధాలను బలోపేతం చేస్తుంది. అంతేకాదు.. మానసికంగా, శారీరకంగా ఎన్నో ప్రయోజనాలు అందిస్తుంది. ఆరోగ్యానికీ అండగా నిలుస్తుంది. అందుకే.. ఈ ప్రేమికుల దినోత్సవం రోజున మీ భాగస్వామికి ఓ వెచ్చని కౌగిలిని కానుకగా ఇవ్వండి.

Hug  | ఇష్టమైనవారి కౌగిలి.. అంతులేని ప్రేమను ప్రసాదిస్తుంది. బాధలను తరిమేస్తుంది. బంధాలను బలోపేతం చేస్తుంది. అంతేకాదు.. మానసికంగా, శారీరకంగా ఎన్నో ప్రయోజనాలు అందిస్తుంది. ఆరోగ్యానికీ అండగా నిలుస్తుంది. అందుకే.. ఈ ప్రేమికుల దినోత్సవం రోజున మీ భాగస్వామికి ఓ వెచ్చని కౌగిలిని కానుకగా ఇవ్వండి.

• ప్రియమైన వారిని కౌగిలించుకున్నప్పుడు.. శరీరంలో ‘ఆక్సిటోసిన్‌’ అనే హార్మోన్‌ విడుదల అవుతుంది. దీనికే ‘లవ్‌ హార్మోన్‌’ అని పేరు. ఇది ఒత్తిడి, ఆందోళనను తగ్గించడంలో సహాయపడుతుంది. అనేక రకాల మానసిక ప్రయోజనాలు అందిస్తుంది.
• రోగ నిరోధక శక్తిని పెంచడంలోనూ ‘హగ్‌’ సాయపడుతుంది. కౌగిలింత వల్ల శరీరంలో తెల్లరక్త కణాలు పెరుగుతాయి. కౌగిలితో శరీరంలో ‘హెల్పర్‌ టి’ సెల్స్‌, యాంటిబాడీలూ మెరుగుపడతాయి. ఇవి శరీరాన్ని వివిధ వ్యాధుల నుంచి రక్షించడంలో సాయపడతాయి.
• భాగస్వామిని ప్రేమగా దగ్గరికి తీసుకోవడం ద్వారా.. ‘కార్టిసోల్‌’ అనే హార్మోన్‌ స్థాయులు తగ్గుతాయి. ఫలితంగా మానసిక, శారీరక ఒత్తిళ్లు దూరమవుతాయి.
  మనుషుల్లో సానుకూల భావాలు పెరుగుతాయి.
• ‘హగ్‌’తో శరీరంలో రక్త ప్రసరణ మెరుగుపడుతుంది. శరీరం అంతటికీ ఆక్సిజన్‌ సరఫరా సజావుగా సాగుతుంది. దాంతో, రక్తపోటు, గుండె సంబంధిత వ్యాధులను ప్రమాదం తగ్గుతుంది.