M3తో యాపిల్‌ కొత్త మేజిక్‌!

టెక్నాలజీ అంటే ప్యాషన్‌గా భావించే వాళ్లకు, యాపిల్‌ ప్రొడక్ట్స్‌ అంటే క్రేజ్‌ ఉన్నవాళ్లకు గుడ్‌ న్యూస్‌! యాపిల్‌ తన ఐప్యాడ్‌ ఎయిర్‌ సిరీస్‌లో మరో అప్‌గ్రేడ్‌ను తీసుకొచ్చింది. అదే ఐప్యాడ్‌ ఎయిర్‌ M3. కొత్తగా విడుదలైన ఈ వెర్షన్‌ ఇప్పుడు మరింత స్మార్ట్‌గా మారింది.

టెక్నాలజీ అంటే ప్యాషన్‌గా భావించే వాళ్లకు, యాపిల్‌ ప్రొడక్ట్స్‌ అంటే క్రేజ్‌ ఉన్నవాళ్లకు గుడ్‌ న్యూస్‌! యాపిల్‌ తన ఐప్యాడ్‌ ఎయిర్‌ సిరీస్‌లో మరో అప్‌గ్రేడ్‌ను తీసుకొచ్చింది. అదే ఐప్యాడ్‌ ఎయిర్‌ M3. కొత్తగా విడుదలైన ఈ వెర్షన్‌ ఇప్పుడు మరింత స్మార్ట్‌గా మారింది. ప్రొఫెషనల్‌ వర్క్‌, క్రియేటివ్‌ టాస్క్స్‌, గేమింగ్‌.. ఇలా సూపర్‌ఫాస్ట్‌ ప్రాసెసింగ్‌కు ఇది బెస్ట్‌ చాయిస్‌! మీరు కంటెంట్‌ క్రియేటర్‌ అయితే.. హై-రిజల్యూషన్‌ వీడియో ఎడిటింగ్‌తో మరింత స్మార్ట్‌ వర్క్‌ చేయొచ్చు. డిజైనర్‌ అయితే.. గ్రాఫిక్స్‌తో ఆడుకోవచ్చు! గేమర్‌ అయితే లాగ్‌ లేకుండా హై-ఎండ్‌ గేమ్స్‌తో దుమ్ము లేపొచ్చు. ఇదంతా M3 చిప్‌ వల్లే! మునుపటి మోడల్స్‌తో పోలిస్తే మూడున్నర రెట్లు వేగవంతమైన ప్రాసెసింగ్‌ దీని సొంతం. ఆధునిక గ్రాఫిక్స్‌ టెక్నాలజీ, మెరుగైన మెషిన్‌ లెర్నింగ్‌ సామర్థ్యాలు ఈ డివైస్‌ను అత్యున్నత స్థాయికి తీసుకెళ్లాయి. Apple Intelligence సపోర్ట్‌ ఉండనే ఉంది! రీడిజైన్‌ చేసిన ‘మ్యాజిక్‌ కీబోర్డ్‌తో దీన్ని ల్యాప్‌ట్యాప్‌లా వాడేయొచ్చు. లైట్‌ వెయిట్‌ కాబట్టి, ఎక్కడికైనా తీసుకెళ్లొచ్చు. 11 అంగుళాలు, 13 అంగుళాల స్క్రీన్‌ సైజ్‌తో యాపిల్‌ దీన్ని అందిస్తున్నది. ఈ స్మార్ట్‌ గ్యాడ్జెట్‌ బేసిక్‌ వెర్షన్‌ ప్రారంభ ధర రూ.34,900.